ديم كامله
انت في الصفحة 1 من 4 صفحات
في الصعيد!!
أنت عايزاني أروح الصعيد علشان أحضر فرح!
أيوة يا مريم دول قرايبي
بس يا ماما بعيد أوي ووقت طويل
هو أسبوع و مش هنغيب
أمممم على الله
يلا روحي حضري حاجتك يادوب تلحقي تخلصي
يعني يا ست الكل مينفعش تروحي أنت و أنا أستناك هنا.. هخلي بالي من البيت
لأ
طيب خلاص بصي بقولك أيه بلاش البصه دي
طب هو ممكن سؤال يا ست الكل!
خلصي عايزه أيه
أيه اللي وداه الصعيد
هو مين
الحاج يعني ساب بنات الاسكندرية كلهم و راح يتجوز من الصعيد!
أولا دا نصيب ثانيا اللي بتتكلمي عليه دا ابوكي يعني تتكلمي بإحترام ثالثا..
ها ثالثا ايه هه
ثالثا كانت عنيه حلوه قوي..
أكيد علشان أختارك
لأ مش كدا هو كانت عنيه حلوة لونها عسلي فاتح جامد بيبقوا احلى في الشمس أول مره شوفته فيها كنا في الأرض بتاعتنا كانت كلها خضره من الزرع و الزرع كان طويل و انا ماشية في وسطه و بوسع الزرع اللي قدامي و هو كان وراه ببص والشمس كانت جايه على عنيه سرحت لمدة دقيقتين فيه إحنا هناك ممنوع منعا باتا إننا نتكلم مع حد أو حتى نبص بس بصراحة لون عنيه ملفت اكتفيت و قتها أني أبتسم بس و أمشي
بس كدا
ازاي بس كدا طب أنت لون عنيه شدك هو بقى أيه اللي جابه على بوزه كدا
الضفيره اللي كنت عملاها أو ممكن البسمة ما انا كانت عليا بسمة بطابع الحسن تدخل القلب على طول
و رزعتني قلم خفيف و هي بتقول
و بعدين محدش يتكلم على أبوة كدا
ماشي يا ست الكل ألاه
شوفتي الساعه بقيت واحده ونص و أنت قاعده بترغي قومي جهزي نفسك يلا
آه صحيح يا ست الكل افتكرت إن مش هينفع إجي معاك
ليه يا قلب أمك
علشان زوجي المستقبلي و قرة عيني ممكن ميرضاش
و رفعت دماغي لفوق لقيت شبشب راشق فيا
زوجك المستقبلي جاي معانا
ايه دا بجد أبن الغداره و ميقوليش
بتقولي ايه
لأ يا ست الكل بقول يادوب ألحق أخلص
يا ربي مخلفه عيله عندها 26 سنه
دخلت أحضر حاجتي و حاولت أخد المهم بس و المهم إن المهم طلع شنطتين بقيت بحط بقلب جامد مهو يوسف معانا بقى..يوسف صحيح عايزه أرن عليه
أزيك يا چو
كويس خير في أيه
ظالمني طول عمرك ظالمني
و أنت هتقوليلي ها خير
هتيجي إمتى
عشر دقايق و أكون عندكم
طب كويس علشان مش هقدر أنزل الشنط لوحدي
أتنحنحت وقولت
لأ مهي ماما مش أخده حاجه
أمال
دول شنطي
اااااااه لا يا ماما بصي شنطك أنت هتشتاليها فلل! متفكريش أني عشان راجل النخوه هتاخدني أوي بقى وعنك يا حبيبتي و الشغل دا ماشي يا بطه
طيب يا يوسف خلاص مش عايزه منك حاجه
أيوه كدا شطورة يا حبيبتي يلا أقفلي بقى وأنا خلاص جاي عليك
تفكيري كله في الموضوع اللي أنا شغاله عليه طب أعتذر عنه! لأ أنا هكمله لقيت القطة بتاعتي جاية تمسك في رجلي و كأنها بتقولي أنت نستيني و أنا فعلا كنت نسياها أخدها معايا
