مكتوبه علي اسمي الفصل 36
انت في الصفحة 1 من 5 صفحات
الحلقة_36
مكتوبة_على_إسمي
بقلمي_ملك_إبراهيم
وبعدين يا ابويا.. بعد شويه لازم تروح مع العمدة المركز عشان التحقيق واحنا لسه مش عارفين نكلم جوز آيات!!
اتكلم الحاج إسماعيل بعد تفكير انا بتصل عليه وتليفونه مش بيجمع مش عارف في إيه!! طب اسمعني كويس يا فارس.. انا هروح التحقيق مع العمدة وانت تروح القاهرة ل شركة عامر وتقابله بعيد عن آيات بنت عمك وتحكيله اللي حصل وهو هيعرف يتصرف.
.....
في الشركة عند آيات.
قعدت على مكتب تشتغل جمب هاجر ومكانتش قادرة تركز في الشغل وكل تفكيرها كان في عامر وميسرة وكل اللي بيحصل حواليهم وكانت خاېفه انهم ينجحوا ويفرقوهم عن بعض وهي دلوقتي ملهاش غير عامر وروحها بقت متعلقه فيه ومش متخيله حياتها من غيره.
الاتنين كانوا قاعدين جنب بعض علي مكاتبهم وحاطين ايديهم علي خدهم وبيفكروا وهما بيبصوا في الملفات اللي قدامهم وكل واحدة مش شايفه قدامها غير صورة حبيبها.
آيات اتنهدت وقالت ل هاجر تفتكري يقدروا يفرقونا عن بعض بعد اللي حصل بينا
ردت هاجر وهي شارده جنبها معقول ممكن يحس ب اللي انا حساه ده!!
هاجر بخجل انا مش عارفه اللي انا حساه ده صح ولا غلط.
آيات بدهشة دا شكل الموضوع كبير
هاجر ابتسمت بخجل وغيرت الكلام بسرعه وسألتها قوليلي انتي ايه اللي حصل بينكم
آيات خفضت وشها بخجل وهاجر فهمت من خجلها وابتسمت وقالت هو حصل
آيات بخجل خلاص بقى متبقيش رخمه كده.
هاجر بنبرة مرحة رخمه رخمه بس لازم اعرف كل حاجة وحصل ازاي وامتي فين
آيات هو ايه اللي حصل ازاي وامتي وفين.. شوفي شغلك يا هاجر ربنا يهديكي.
هاجر مش قبل ما تعترفي وتقولي كل حاجة.
آيات بخجل اقول ايه يا مجنونه انتي..
هاجر بمرح حاضر هشوف شغلي يا مدام صاحب الشركة.. مش بقيتي مدام برضه.
آيات خجلت اكتر وهاجر ضحكت على خجلها وقامت آيات وقالتلها انا هقوم من جنبك عشان عارفه مش هخلص منك النهاردة.
هاجر ضحكت وآيات كانت بتاخد الملف بتاعها من على المكتب عشان تقوم من جنبها.. شريف دخل في نفس اللحظة وهاجر اول لما شافته اتوترت وخدودها احمرت وشريف اتكلم بهدوء إيه الأخبار في اي مشكله معاكم في الشغل.
ردت هاجر برقه مبالغ فيها الحمدلله يا باشمهندس الشغل هنا جميل جدا.
آيات حست بتغير هاجر المفاجئ وبصتلها بدهشة وفهمت من لمعة عيونها ونظراتها ل شريف ان في مشاعر في قلب هاجر اتجاه شريف.. وبصت ل شريف ولقت نظراته ل هاجر برضه فيها حاجة غريبه والاتنين بيبصوا لبعض وكأنهم عشاق مش مجرد موظفه ومدير!!
هاجر بصتلها بدهشة اعترف ب ايه
آيات ايه اللي بينك وبين شريف
هاجر بتوتر وارتباك مفيش حاجة بينا انتي بتقولي ايه يا ايات!! خلينا نركز في شغلنا.
آيات هزت راسها بالايجاب وقالت حاضر نشوف شغلنا بس لازم اكلم طنط ميرفت مامت شريف الاول اطمن عليها اصلها جت تقعد معايا في الفيلا الكام يوم دول لحد ما عامر يرجع من السفر.. مش
