قصه جديده
مكانش ليه داعي يا حبيبتي
حياه معلش يا كامل بقي
يومين كده هرجع اروح الجامعه من تاني
بس نور تجيبلي هدومي وكتبي بس وانا هرجع الجامعة تاني
كامل وانتي لسه هتستني يومين
انا هروح دلوقتي واجبلك حاجتك كلها
حياه تروح فين دلوقتي يا كامل
استني بكره طيب ونروح مع بعض
كامل وتضيعي عليكي يوم كمان في الجامعه والله اعلم ايه ال هيحصل لو مروحتيش بكره
حياه استني بس يا كامل
انا في موضوع مهم لازم اكلمك فيه قبل ما تروح هناك طيب
كامل لما اجي يا حبيبتي نبقي نتكلم في كل ال انتي عايزاه
كامل مشي من قدامها وحياه راحت وراه وفضلت تكلمه بس هو مكانش بيرد
فاطيمه خرجت من المطبخ وشافت كامل ماشي بسرعه
فاطيمه وهي بتحط الاكل على السفره على فين يا كامل
اكلوا انتو انا هتاخر شويه
حياه يا كامل استني شويه بس
اسمعني وبعد
كامل خرج وقفل الباب وراه
فاطيمه في ايه يا حياه
حياه اتنهدت في أن الحاجة الوحيده ال كامل مش هيبطلها ويكبر على انه يعملها العند
ربنا يستر
فاطيمه يستر على ايه
انا مش فاهمه حاجه
حياه ابنك راح يجيب حاجتي من الفيلا علشان ارجع الجامعة تاني من بكره يا مرات عمي
ايه ال مزعلك في كده
حياه ال مزعلني اني معرفش رد فعل داليا لما تعرف أن ابنها عايز يتجوزني
ولما تلاقي كامل قدامها الله اعلم بقي هتعمل ايه
فاطيمه يا حياه خضتيني هتكون هتعمل ايه يعني
وبعدين هو مش مصطفي دا ابنها وهي ممكن تعمل اي حاجه علشانه
اكيد هتوافق وهتحاول تحبك مټخافيش بقي
فاطيمه قعدت على السفره
حياه بصاتلها واتنهدت وراحت قعدت قدامها
كريم حياه!!
انت عايز تتجوز حياه
مصطفى وفيها ايه يعني يا بابا
هي حياه دي مش بني ادمه زيها زينا ولا علشان مش من نفس مستوانا
كريم بس انا مقولتش كده
انا اقصد انك انت ال مش مناسب ل حياه
أنا مش مستعد اجوز حياه ال ابوها سايبها امانه عندي لواحد صايع زيك ولا ناجح في دراسته ولا ناجح في حياته كلها اصلا
يعني لو كان مصطفى مهتم بدراسته كنت هتسيبه يتجوز الخدامه ال اسمها حياه دي
كريم مليون مرة اقولك حياه مش خدامه حياه زيها زي نور وزينب
وانا مسمحلكيش انك تتكلم عنها كده
داليا وانا كمان مسمحش انها تكون مرات ابني في يوم من الايام
كريم انا اصلا موافقتش علشان انتي تقبلي
مصطفى ممكن تبطلوا خناق وتسمعوني شويه
سواء قبلتوا او رفضتوا
دي حياتي انا وانا الوحيد ال اقرر اعيشها ازاي مش انتو
انا روحت وكلمت حياه ووعدتها اني هروحلهم وانتو معايا
ف ياريت يا بابا حضرتك تتصل ب ابن عمها وتحدد معاه يوم علشان نروح نطلب ايديها
لاني هتجوزها يعني هتجوزها
مصطفى سابهم ومشي
كريم هي دي تربيتك ل ابنك
شايفه بيتكلم معانا ازاي
كريم سابها وخرج برا الفيلا
داليا كانت مټعصبه جدا
داليا مش هسمحلك تاخدي مني ابني يا حياه حتي لو وصلت اني امۏتك
نور راحت علي المكتب بتاعها وهي محنوقه
سليم اول ما شافها قام وقف
سليم نور
انتي ايه ال جابك دلوقتي
نور للدرجه دي مش طايق تشوف وشي
سليم ايه الهبل ال انتي بتقوليه دا يا نور
وانا مش هطيق اشوف وشك ليه
انا بس مستغرب انتي ايه ال جابك دلوقتي
نور بصاتله بحزن جيت اشوف شغلي ال أتأخرت عليه
اصل الشغل دا الحاجة الوحيدة ال بقدر اخرج فيه حزني وزعلي
سليم حزنك!
وايه بقي ال مزعلك يا ست نور
سليم قاعد على المكتب بتاع نور ونور قعدت على الكرسي ورجعت راسها ل ورا
نور مشكله حصلت مع قدر اخويا
خلتني أتأكد اننا ملناش حظ في الحب
ولا انا ولا هو
سليم حب
هو انتي حبيتي ولا ايه
نور مبقاتش فارقه بقي
كده كده انا متحبتش يبقي ملهاش لازمه الإجابة على السؤال دا
مسحت دموعها وابتسمت قوم بقي علشان اعرف اشتغل
انت هتفضل قاعدلي كده ولا ايه
سليم حط ايده على وشها ورفع وشها ال كانت منزلاه في الارض
سليم نور انتي جميله اوي والف واحد يتمناكي
ولو كنتي حبيتي شخص غبي مقدرش يشوف جمالك ويحبك ف انتي لازم تبعدي عنه وتنسيه
وانا واثق ومتأكد أن هيجي يوم وهتحبي تاني
بس ساعتها الشخص ال هتحبيه دا هو كمان هيحبك وهينسيكي ال فات
نور تفتكر
سليم ابتسم انا متأكد
الباب خبط
سليم قام بسرعه ونور وقفت
احمد انا اسف جدا بس انا لاقيت الباب مفتوح ف دخلت
نور لا ولا يهم حضرتك
اتفضل اتفضل
احمد دخل ومد ايده ل نور
احمد احمد التهامي دكتور تجميل
نور مدت ايديها وسلمت عليه اهلا ب حضرتك نور المنشاوي
احمد مسك ايد نور وباسها
نور سحبت ايديها بكسوف وابتسمت
سليم ادايق ومد ايده ل احمد
سليم سليم حامد زميل الانسه نور
احمد سلم عليه وسليم ضغط على ايده جامد
سليم اتفضل حضرتك على مكتبي اعتقد اني هفيد حضرتك اكتر من نور
لان نور لسه مبتدئه
نور بصاتله ب استغراب
احمد لا شكرا ل حضرتك
انا جاي مخصوص للانسه نور
نور انا تحت امرك طبعا
اتفضل حضرتك
احمد قعد وسليم كان مدايق جدا
حياه كانت قاعده بتاكل تلفونها اتبعتله رساله
حياه مسكت التلفون وفتحت الرسالة هستناكي الساعه ١٢ في الكافية ال كنتي فيه الصبح
حياه ردت تمام ماشي
مش هتاخر على حضرتك
حياه قفلت التلفون وحطيته جمبها
فاطيمه مين يا حياه
حياه دا واحده صاحبتي في الجامعه يا مرات عمي
الباب خبط
حياه انا هروح افتح
حياه قامت وفتحت وكان محمود
محمود اول ما شافها فضل باصص عليها شويه وهو ساكت
حياه حضرتك عايز حاجه!
محمود لف وشه بسرعه انا اسف
بس هو كامل هنا
حياه ابتسمت لا كامل راح مشوار وراجع بعد شويه
محمود طيب ممكن لما يجي تقوليله محمود سأل عليك
حياه حاضر
محمود مشي
حياه قفلت الباب وفضلت واقفه سرحانه شويه
فاطميه مين يا حياه
حياه فاقت من سرحانها وراحت ل فاطيمه دا صاحب كامل يا مرات عمي كان عايزه وانا قولتله انه مش هنا
فاطيمه وهيكون عايزه ليه بس
حياه قعدت على السفره تاني وهي سرحانه
زينب وقفت العربيه بتاعتها في مكان هادي ومسكت تلفونها وبعتت رساله للشخص ال بيكلمها
زينب قررت بعد شهر انها تبعت رساله ل ال بيكلمها دا
كانت طول الوقت سايباه يتكلم بعد ما زهقت منه ومكانتش عارفه تخلص منه
زينب كاتبتله رساله
_انت مين وتعرفني منين
رد عليها
_انا واحد يعرفك من زمان وبيحبك اوي
وعلى فكره انا قريب منك اوي وممكن تكوني بتشوفيني اغلب الوقت
_انا بشوفك اغلب الوقت!
فين وازاي
_عارف انك في يوم هتوصليلي وهتعرفي انا مين
زي ما انتي بقيتي متعوده عليا زي ما قولتلك قبل كده انك هتتعودي عليا وحصل هيحصل وهتعرفي في يوم انا مين
وفي اليوم ال هتعرفي فيها انا مين هتكوني حبتيني مش اتعودتي على وجودي وبس
زينب كانت عماله تفكر هي تعرفه منين بس مكانتش قادره تعرف
في بيت تالا
تالا قاعده وحاطه رجل على رجل وحور قاعده قدامها
تالا انا لحد دلوقتي مش فاهمه حضرتك عايزه مني ايه
حضرتك عماله تقولي كلام انا مش فاهمه معناه ومش عارفه حضرتك عايزه ايه
حور وهي بتحط رجل على رجل ايه ال مش مفهوم في كلامي
بقول ل حضرتك خطيبك بيلعب بيكي وبيخونك وخاطبك بس علشان الشغل ال بينه وبين اهلك
ولما الشغل دا يخلص هيسيبك
تالا انا مش فاهمه حضرتك بتقولي الكلام دا ليه
