اجمل قصه حب بقلم ملك ابراهيم

هنا زوجتي 
نظرت لها هايدي بمكر شديد وتحدثت برقه
هايدي  اهلا بحضرتك  اوكي يابشمهندس احنا كدا تقريبا اتفقنا علي كل حاجه عن اذنكم
وقفت هنا تنظر اليها حتى خرجت من المكتب واغلقت الباب خلفها بهدوء 
قام عمر بتقبيلها ليخرجها من شرودها 
نظرت له هنا وتحدثت بحاجب مرفوع 
هنا مين دي وليه مانع حد يدخل عليكم ان شاءالله 
ابتسم لها عمر وضمھا اليه وتحدث بمرح 
عمر يسلملي الا بيغير عليا  بحبك 
ابتسمت له هنا عندما قال له الكلمة الوحيدة التي قادرة علي اخراجها من أسوء حالتها وهي بحبك 
ضمھا عمر اليه وسألها بحب 
عمر قوليلي بقى سايبه شركتك وجايه شركتي ليه 
ابتسمت له هنا ونظرت له نظره يعرفها جيدا 
تركها عمر وذهب الي مكتبه يجلس عليه 
ذهبت خلفه وجلست فوق مكتبه واصبحت أمامه مباشرة وهي تنظر له برجاء
هز عمر رأسه برفض 
تحدثت اليه بدلع 
هنا عمر عشان خاطري 
هز عمر رأسه مره أخري برفض 
حاولت ان تكسب تعاطفه بطريقتها الخاصه 
هنا يعني انت يرضيك ان شركة زوجة عمر المنياوي ماتشتغلش بالمستوى الا المفروض تشتغل عليه
رد عليها عمر بسخريه 
عمر   حبيبتي انتي من يوم مافتحتي شركتك وكل شغلك من عندي وكل المناقصات انا الا بتنزلك عنها 
نظرت له هنا بحزن مصتنع 
هنا ماشي ياعمر  انا زعلانه منك ومش عايزه منك حاجه 
ابتسم عمر علي طفولتها التي يعشقها وتحدث اليها بمرح 
عمر والله انا حاسس ان تولين بنتي هي الا بتتكلم قدامي 
نظرت له هنا وهي تدعي الزعل منه 
هنا اشمعنا بتوافق لبنتك علي كل طلباتها علي فكره يا عمر انت اتغيرت ومابقتش تحبني   وانا الا كنت عملالك سهره حلوه في البيت النهارده وكنت هسيب الاولاد عند دينا 
ابتسم لها بستسلام وهو يعلم جيدا بأنها لن تتركه حتي يتنازل لها عن هذه المناقصه مثل ما تفعل كل مرة لذا تحدث اليها بهدوء 
عمر خلاص يا هنا اتفضلي خدي المناقصه الا انتي عايزاه 
وقفت سريعا من فوق مكتبه وقبلته بسعاده 
هنا شكرا يا حبيبي انك وافقت بدون ضغط مني 
نظر لها وتحدث بصدممه 
عمر بعد كل الا انتي عملتيه دا ومضغطيش عليا 
ردت عليه ببساطه وهي تقبله بسرعه وتستعد للذهاب 
هنا خلاص بقي ياحبيبي اخر مره انا لازم امشي دلوقتي اروح لدينا عشان معاها الأولاد  باي 
نظر عمر الي خروجها السريع بأبتسامه وعشق وصل لحد الجنون 
وسريعا وجد مازن يدخل عليه المكتب بوجه عابس 
نظر له عمر بمكر وتحدث بسخريه 
عمر مالك قالب وشك ليه 
جلس مازن أمامه بتوتر وهو يفكر كيف يتحدث معه في هذا الموضوع 
نظر له عمر بعمق وشجعه علي الحديث بدون مقدمات 
نظر اليه مازن بتوتر وبداء حديثه مباشرة 
مازن عمر هي المناقصه ال...... 
قاطعه عمر بيده وهز رأسه له
عمر ماتكملش يا مازن هنا لسه ماشيه وخدت موفقتي 
استرخى مازن في جلسته وتنفس بعمق وراحه 
نظر اليه عمر بستغراب 
عمر ايه هي المناقصه دي فيها حاجه ولا ايه 
رد عليه مازن ببساطه 
مازن لا اصل دينا عامله معايا  مشكله عشان المناقصه دي ومصصمه ياخدوها لشركتهم هي وهنا ونيمتني في الصالة امبارح 
نظر له عمر وبداء في الضحك علي جنون صديقه وزوجته 
نظر اليه مازن وبداء في الضحك هو الاخر وتحدث بمرح
مازن معلش بقى لازم نريح المدام
رد عليه عمر بسعاده 
عمر اهم حاجه عندنا سعادتهم دا اكبر واهم نجاح لينا بجد  
ثم نظر عمر أمامه وهو يتحدث بقلبه الي زوجته
حبيبتي  لو كنت أملك أن أهديكي عيني لوضعتها بين يديكي
لو كنت أملك أن أهديكي قلبي لنزعته من صدري وقدمته إليكي
لو كنت أملك أن أهديكي عمري لسجلت أيامي باسمك   كما سجلت أسمكي علي أسمي يا زوجتي المصون
وعاش الابطال مع زوجاتهم المصون حياه سعيده مليئه بالحب والصدق والاخلاص 

الهدف من الروايه 
هدف الرواية الا حبيت أوصله من خلال الشخصيات 
هو ان أهم قرار بتاخده في حياتك ولازم تكون متأكد وواثق منه هو أختيارك لشريك حياتك  لان دا الا هتكمل معاه عمرك كله ودا الا لازم يكون عندك ثقه فيه صعب حد يهزها
وان البنت الا بتحافظ علي نفسها كويس وبتعيش بشرف وأمانه ودايما بتعلي قيمتها هي دي الا بتكون زوجه مصون وربنا بيرزقها بزوج يستاهلها يحترمها ويقدرها 
والبنت الا بترخص نفسها بتكون سهله في الايقاع بها بسهوله وللأسف في كل الاحوال بتكون
خسرانه ومستحيل تنجح في حياتها وبتكسب أحتقار الجميع ومستحيل يتزوج منها شخص محترم
يستطيع حمايتها واحترامها 
شخصية عمر الشاب العصامي الطموح الا بنى نفسه وعمره ما حقد علي حد ولما جتله فرصه من عند ربنا بأن يضع أمامه فتاه مصون تصلح زوجه له وأم لأولاد حافظ عليها ورفض التخلي عنها وحاول حمايتها بكل قوته وعندما تزوجها كان يعطيها كل الحب والاحترام والتقدير 
شخصية هنا البنت المحترمه المتدينه الا دائما بتحافظ علي نفسها ودائما تضع نفسها في المكانه العاليه المخلصه لكل من حولها لا تقابل السيئه بالسيئه بل بالعكس كانت دائما تفعل الخير بدون مقابل
ولكن العباد تنسي والله لا ينسي ابدا وكان الله دائما معها واعطها ما تستحق ورزقها بزوج أصبح ملاكها الحارس وهذا ماتستحقه كل فتاة تنقي قلبها وتنزع منه الحقد 
شخصية مازن الصديق المخلص الوفي الا مستعد يفدي صديقه بروحه وبدون اي مقابل 
شخصية دينا الصديقه الجدعه الا دايما بتقف مع صديقتها ودايما فتحلها بيتها في اي وقت وبتفكر في مصلحة صديقتها قبل ما تفكر في مصلحتها هي 
شخصية خالد الانسان المحترم العاقل الا بيحب بصدق الا ميعرفش حاجه اسمها انانيه ودايما مستعد يضحي بسعادته من اجل سعادت الا بيحبهم 
شخصية نادين البنت القوية الا قدرت تتحدى الظروف وحققت نجاحها في العلم والعمل والا دايما قلبها نضيف وخالي من الحقد والكره 
شخصية سرين البنت المستهتره التي عاشت حياتها لم تعرف معني للاحترام او التدين وكانت تعتقد ان تساهلها في اظهار مفاتنها هذا ما يجلب لها كل ماتتمناه 
شخصية كريم الشاب الحاقد الذي يريد اخذ كل شئ من الحياه بدون مجهود  
شخصية سمرالفتاه التي تبيع نفسها بالرخيص تحت مسمى الحب وتحقد علي من هم افضل منها وتريد اذيتهم بدلا من ان تتعلم كيف تكون مثلهم 
شخصية كرولين الام الانانيه التي لم تفكر غير بنفسها وسعادتها هي فقط 
شخصية والد هنا الرجل الذي يسمح للشيطان بالدخول الي عقله ويتزوج بفتاه من عمر ابنته 
شخصية أحمد الشاب الذي يهجر اهله من اجل السفر وهو يريد تحقيق احلامه وتأخذه الغربه بقسۏتها وعندما يعود لا يجد ما تركه 
اتمني تكون الروايه عجبت حضراتكم