ابويا اتجوز امك بقلم الاء اسامه

عايز الاقي ونس انتي هتتجوزي وتمشي وانا هفضل لوحدي دا ان مكنتش فعلا لوحدي وانتي موجودة انا .. انا خاېف اموت ومحدش يحس بيا 
خاېف تعرفي بخبري من الجيران بعد يومين تلاته لما يحسوا بغيابي انا عايز احس بونس معايا في البيت يا الاء عايز بيت وعزوة اتسند عليها 
_وملقتش ونس غير ام اكتر انسان انا بكرهه 

يوسف مش وحش يا آلاء والله مش وحش 
انا عارفه كويس ومربيه قلبه ابيض وطيب على قد ما بيبان منه عصبية وجمودية قلب بس مش هتلاقي حد يحبك قده 
قال اخر جملة وهو حاطط ايده على كتفي ف بعدته عني وحطيت ايدي الاتنين قدامي بمنعه يقرب 
_انا مش عايزة حد يحبني ومش عايزة احب حد مش عايزة اتجوز مش عايزة اخون مصطفى 
افهموني ولو مرة واحدة بقى 
نهيت كلامي ومحسيتش بأي حاجة بتحصلي بعدها صحيت لقيت نفسي في سريري ويوسف قاعد على طرف السرير بيقيسلي النبض  
حمدا لله على سلامتك 
قالها يوسف وهو بيقفل شنطته وبيقوم من جنبي
_هو اي اللي حصل 
ضغطك وطى شوية بسبب الانفعال انا عملتلك اللازم مش مطلوب منك دلوقت غير انك تهدي وترتاحي عن اذنكم 
خلص كلامه ومشى وبابا طلع وراه وفضلت كوثر اللي بعد ما هما مشيوا سحبت الكرسي وقعدت قصاد مني داريت وشي الناحية التانية وسكتت ف اتكلمت .
بصي ي آلاء انا عارفه انك كارهاني انا ويوسف بس صدقيني محدش فينا كارهك لا انا داخلة اوقع بينك وبين ابوكي والغي مكانة امك ولا يوسف واخدك ڠصب عنك انا عارفه اي اللي مخليكي رفضانا كدا 
بس حاولي ياآلاء حاولي حتى تدي لكل واحد فرصة يتكلم سواء انا او باباكي ولا حتى يوسف 
انا دخلت البيت دا مرات تتعد على الصوابع يوم ما جيت اطلبك ليوسف انا فاكرة اللي حصل
رفضتي واتعصبتي وباباكي اصر عليكي وانتي لحد الآن مش قابلة الموضوع بس مع الوقت كل حاجة هتتغير هتفهمي يوسف وتعرفي دماغه وقد ايه قلبه ابيض وبيعرف يحب 
ولو عليا انا مكنتش عايزة اكون اكتر من ام لزوجك مش زوجة اب ليكي 
لما باباكي طلب مني الطلب دا رفضت وعملت زي ماعملتي مع يوسف كدا بالظبط بس لما فكرت 
لقيت اني هكون لوحدي بعد ما انتي ويوسف تتجوزوا والوحدة وحشة يابنتي بتإذي وتنحر في القلب لحد ما ټشوهه ماتبقيش لوحدك 
ادي لنفسك فرصة .
خلصت كلامها ومدت ايدها تطبطب على ايدي سحبت ايدي من قبل ما ټلمسها ومن غير ما اتلفت ليها اتكلمت 
_ممكن تسيبوني مش عايزة حد 
هقوم اعملك حاجة تاكليها 
_قولت مش عايزة حد ومش عايزة حاجة اتفضلي عن اذنك 
بصيت لي بفقدان أمل وقامت وهي بتدعيلي انا ويوسف ان ربنا يهدينا للصواب
طلعت من الاوضة وانا اتحاملت على نفسي وقومت لحد المكتب من بين الكتب طلعت نوتة زرقاء قديمة كانت هدية من مصطفى سحبتها ف وقعت منها صورته انحنيت خدتها وحطيتها بين صفحات النوتة من تاني خدتها وقعدت على السرير بدأت اقلب بين الصفحات كل صفحة بذكرى بيننا هنا فيه تذاكر سينما وترام محطة الرمل وهنا فيه وردة جافة كانت منه وهنا فيه 200 جنية عيدية منه وهنا صورتنا يوم الخطوبة وقد ايه كنا مبسوطين الضحكة كانت مرسومة على وشوشنا كلنا مفيش حد مكنش فرحان ان آلاء ومصطفى بيتخطبوا وهيتجوزوا ان قصة الحب بتكمل رغم كل اللي قابلوه في حياتهم مسكت الصورة بين كفوفي وقربت بيها بدأت اتكلم من بين دموعي 
_وحشتني اوي يا مصطفى وحشتني يحبيبي كدا تسيبني لوحدي
دا انا مكنش ليا غيرك في الدنيا دي يشيل عني حملي وهمومي ويسمعني في كل اوقاتي مكنش فيه حد ينور الدنيا في وشي في اوقات ما بتسود وتتقفل كل البيبان حقك عليا يحبيبي حقك عليا اني سمحتلهم يخطبوني لغيرك 
بس انا اتجبرت والله يمصطفى اتجبرت واتغصبت وانا مش عايزة 
مش عايزاه ومش عايزة اي حد ياخد مكانك ولا البس دبلة حد غيرك 
انت عارف اني طول عمري شخصيتي قوية ومحدش بيعرف يقف قصادي ويمشي كلمته
إلا هو إلا بابا تعبه ومرض قلبه هما اللي دايما بيجبروني اني اعمل اي حاجة عشان هو يكون مرتاح عشان ما يتعبش واخسره هو كمان زي ما خسړت