حارس
موافقة ع الكلام ده ابدا..
خالد پغضب يبقى انتى مش بتحبينى بقا
لورا بتحدى افهم اللى انت عايز تفهمه..لكن جواز بالشكل ده مش هيحصل..
خالد مشي وساب لورا اللى فضلت قاعدة ف اوضتها يوم ورى يوم...ف يوم جه هانى يزورها..
هانى عاملة ايه
لورا هانى انا اسفة بس انا...
بتعدى الايام وصور لورا وخالد مالية النت والجرايد..ومكتوب بالخط العريض..بنت رجل الاعمال الكبير أمجد الحسينى..ده غير المشاكل اللى حصلت لان كدا هيتعرف ان خالد ظابط وهيبدا التساؤلات تكتر..احمد حاول يخفى الامر ده على اد ما يقدر علشان خالد مش يتكشف ويكون فى خطړ على حياتهم..أمجد حس ان الامور بتخرج عن السيطرة والكلام بيكتر..كلم خالد وخلاه يجى ومعاه المأذون..طلع أمجد عند لورا هو وسيف ..
أمجد البسى بسرعة خالد تحت هو والمأذون..
لورا پصدمة ايه..ليه
سيف بتريقة جايين يسلموا علي كى مش اكتر..
لورا پغضب ده وقت هزار ده..
أمجد بحزم انا مش هسمح ان الحوار ده يكبر اكتر من كدا..انتى وخالد هتتجوزوا حالا..دقيقتين وتكونى تحت..
دخلت فريدة واقنعت لورا تغير هدومها بالعافية..ولورا سمعت كلام مامتها لحسن تتعب..نزلت لورا واول ما خالد شافها ابتسم..كانت لابسة دريس بسيط جداا وتاج صغير وميكب خفيف..خالد قام يسلم علي ها لكن هى مرديتش تسلم علي ه..وقعدت وبدا المأذون يكتب كتابهم..خلصوا وخالد قام باس لورا على راسها وهى زقته..اتعرفت لورا كمان على شريف ابو خالد وحبته جدا وهو حس انها بنت طيبة وبتحب ابنه..لورا وخالد واقفين سوا اخر اليوم..
لورا هو فى فرح كمان
خالد طبعا..امال هاخدك كدا سكيتى..
أمجد راحلهم..
خالد لو حضرتك مش عندك مانع فانا حابب نعمل الفرح بعد شهر يا دوب اكون جهزت شقتى وتكون لورا مستعدة..
أمجد انا موافق..
لورا باعتراض هو جواز بجد ولا ايه
لورا پغضب بابا انتو بتهزروا انا مش هتجوزه..
أمجد انتو غلطتوا لانكم عارفين ان وجودكم سوا كان لاسباب امنية..
خالد بس انا بحبها..
لورا بصتله وبصت ف الارض..
أمجد يبقى تستحملوا نتيجة الكلام ده..
يعدى الليل وخالد يجى الصبح ياخد لورا ويروحوا المعهد..واول ما يدخلوا الكل يبصلهم ويبدأوا يتهامسوا..خالد مسك ايد لورا ووقف ف نص المعهد وقال بصوت عالى ممكن لو سمحتوا ناخد من وقتكم دقيقتين
خالد انا جاي اعزمكم على فرحنا انا ولورا يوم.....الشهر الجاى..يا ريت متتاخروش..اما بالنسبة للقلق والهري الفاضى اللى حصل الكام يوم اللى فاتوا دول فأنا هجاوبكم على اسئلتكم..اعتقد مفيش مانع لما واحد ومراته يتدلعوا براحتهم ويقضوا وقت سوا..ولا عيب انه يشيلها
كريم بتريقة مراتك ازاى بقا ان شاء الله..هو اى هري وخلاص
خالد بهدوء مستفز اه مراتى احنا كاتبين كتابنا من فترة ولاسباب شخصية محدش كان عارف بالموضوع ده..
كريم اسباب ايه دى ان شاء الله
خالد باستهزاء والله دى حاجة متخصكش..انا قلت شخصية يعنى حاجة تخصنى انا ومراتى..
شد لورا اصطنعت الابتسامة..
لورا طبعا يا حبيبى..متتاخروش يا جماعة..
مشيو.. وخالد قضى الفترة دى ده بيجدد شقته اللى كان سايبها من فترة طويلة اووى..خالد حاول يخلى لورا تختار الالوان بتاعت الشقة وتشارك معاه علشان تكون مليانة بذوقهم سوا..لكن لورا كانت متضايقة ورفضت..وكمان طول الفترة دى التحقيق مستمر وبيحاولوا يعرفوا مين اللى عمل حركة الصور وبعت صور لسيف ...اما سيف بقا كان متضايق لكن مقدرش يعمل حاجة قصاد قرار أمجد و فريدة اللى كانوا فرحانين عادى
اخيرا جه يوم الفرح وخالد واقف مستنى لورا ولابس بدلته وكان حلم اى بنت فعلا..لورا لبست فستانها اللى راحت اختارته ورفضت ان خالد يشوفه..لورا كانت شبه الاميرات فعلا..كانت جميلة ورقيقة وشقية.. فريدة اول ما شافتها عنيها دمعت
سابتها فريدة شوية لوحدها..و لورا قعدت متوترة..مش عارفة تحدد هى فرحانة انها بتتجوز حبيبها ولا زعلانة بسبب الظروف اللى بيتجوزوا فيها..كانت معصبة من خالد وف نفس الوقت عايزة تجرى مشاعر كتير متلغبطة
وكمان خالد كان نفس الحكاية لكن تجاهل كل ده وركز على ان حبيبته اخيرا هتبقى معاه..
ونسى تماما داليا..كأن لورا بالنسباله سحررر...خالد واقف مستنيها وشافها نازلة ف ايد باباها حس كأن
