اسكريبت بقلم ايمان شلبي

مقفول
بصيت له وانا بهمس بشحوب 
نزلني يا مؤمن 
استحاله
اتعصبت ودموعي علي خدي 
بقولك نزلني يامؤمن وبطل جنان
دور العربيه واتحرك ببرود 
مفيش نزول يا ريماس
اتعصبت اكتر وضړبت كتفه وانا پصرخ 
نزلني بقولك
بصلي بنظره كلها ټهديد وهو بيجز علي أسنانه 
متحاوليش ياريماس 
مش هتروحيله
صړخت پجنون وهستريه
اروح لمين انت مجنووون
ااااه مجنووون ولو مبقتيش ليا مش هتبقي لغيري و
قطع جملته لما ظهرت عربيه فجأه قدامنا وانا پصرخ بړعب
حااااااااسب
صوت إسعاف 
دوشه هناك وهناك 
ناس بتصرخ پخوف 
قلوب صوتها واصل لمسامعي 
ناس بتجري بيا
كنت سامعه وحاسه بكل حاجه لكن مش قادره انطق بحرف
كنت ما بين الوعي واللاوعي 
مش عارفه أما فين 
ايه اللي حصلي 
انا عايشه ولا ھموت 
أنا هيجرالي ايه 
مصيري ايه
وفجأة كل حاجه سكتت 
اسئلتي الاصوات الحركه
غمضت عيوني وانا بستسلم لمصيري وبهمس بأخر كلمه قبل ما أفقد الوعي
مؤمن
وفي الحقيقه معرفش فات وقت قد ايه
يمكن يوم اتنين تلاته 
يمكن اسبوع او حتي شهر
مكنتش حاسه باي حاجه
كنت في عالم تاني 
عالم بحلم بيه بناس كتير جدا معرفهاش !
بسمع اصوات غريبه 
ناس پتبكي
ناس بتقولي كلام حب 
ناس ندمانه 
ناس بتفكرني بأيام مش فاكره منها أي حاجه
وأخيرا وبعد طول انتظار 
فتحت عيوني
النور اللي كان في الأوضه اضائته كانت قويه لدرجه اخدت وقت عشان اقدر افتح عيوني
ريماااس
بصيت لمصدر الصوت لقيت واحد قاعد علي كرسي قدام السرير
بلعت ريقي وانا برد بتعب 
ا انت مين
وابتسم ابتسامه مريبه 
انا جوزك ياحبيبتي 
بصيت حوليا وانا
بسأله بتوهان
انا مش فاكره اي حاجه 
هو ايه اللي حصل
رد بحزن وهو بيضغط علي ايدي 
عملتي حاډثه 
ازاي
ارتبك ورد وهو بيبتسم بتوتر 
م مش مهم المهم دلوقتي انك كويسه
المهم انك رجعتيلي ياروحي 
انت اسمك ايه ومتجوزين من أمتي و وفين اهلي
رد بهمس جنب ودني 
اسمي مؤمن ياروحي
يتبع 
حبيبي_الاولإيمان_شلبي
البارت الثاني بقلمي إيمان شلبي 
بعد مرور ثلاث ساعات 
انا هطلع اجيب حاجه من برا وجاي علي طول 
ماشي 
مش هتأخر عليكي
ابتسمت ابتسامه مهزوزه وانا بهزله راسي
وفي الحقيقه 
انا كنت حاسه ان في حاجه غريبه 
قلبي مش متطمن
ثواني والباب اتفتح ودخلت ممرضه 
وهي بتبتسم بلطف
حمد لله علي سلامتك ياقمر
رديت بتعب 
الله يسلمك
وسكت لحظه وبعدين بصيتلها وانا بسألها بفضول
هو انا ممكن اسال علي حاجه 
طبعا 
هو انا جايه هنا بحاډثه عربيه 
هزت راسها بأسف
للاسف 
طب انا ليه مش فاكره اي حاجه 
طبيعي انتي عندك فقدان ذاكره 
فقدان ذاكره !!!
بس مؤقت
فركت ايدي بتوتر 
طب طب هو كان في حد معايا في العربيه 
ايوه 
مين
بصي هو جوز حضرتك قالنا أن ده السواق بتاعكم
طب وهو حالته عامله ايه
ردت باسف 
للاسف الشديد حالته خطيره في غيبوبه من وقتها
عيوني لمعت بالدموع وانا بسألها بحزن 
طب ومفيش حد من أهله عرف 
بصراحه مشوفتش حد غير جوز حضرتك
رديت باستغراب 
يعني
انا مليش أهل 
صدقيني معرفش حاجه
هزيت راسي وانا ببص قدامي بشرود 
طب شكرا
شويه ولقيتسيف بيدخل الأوضه وهو ماسك شنط كتير في أيده
حطهم علي الكمود وهو بينهج بتعب
م معلش ياحبيبي اتأخرت عليكي 
ولا يهمك ايه كل ده 
قعد علي الكرسي وهو بابتسامه ملهوفه
ده اكل ياحبيبتي 
كل الاكل اللي بتحبيه
قلبي اتنفض وبلعت ريقي وانا بسحب بابتسامه مهزوزه
ش
شكرا بس انا مش جعانه 
لا بقي ازاي ده انتي كنتي تعبانه وبقالك كتير مأكلتيش
اتنهدت وانا ببصله بهدوء ومن غير ما انطق حرف 
اصل في الحقيقه انا كان جوايا صراع وحيره مبتنتهيش
قلبي بيقولي أن في حاجه غلط 
وعقلي شايف أن تصرفاته مفيهاش حاجه مريبه!!
باين عليه بيحبني 
لمعه عيونه وهو بيتكلم 
أيده اللي بتترعش وهي 
لكن برضو لازم اتأكد
لازم اعرف ايه اللي حصل بالتفصيل
انتي كويسه ياحبيبتي
انا هنا من أمتي
ملامحه اتوترت ورد بابتسامه مهزوزه
مش وقته ياحبيبتي دلوقتي ا....
قاطعته بأصرار
انا كويسه و عايزه اعرف كل حاجه لو سمحت 
عايزه تعرفي ايه بالظبط 
كل حاجه
اتنهد ورد بهدوء 
انا وانتي متجوزين من سنه 
فين اهلي 
في الصعيد
واهلك
ابتسم ورد بكذب 
اهلي هما اهلك
ازاي 
انا وانتي ولاد عم 
متجوزين عن حب !
طبعا
اتوترت وانا ببلع ريقي وببص في كل الاتجاهات ماعدا عيونه
ا انا 
انتي ايه 
ه هو محدش من اهلي عرف اني تعبانه 
لا 
ازاي يعني محدش بيكلمني
لا هما كلموكي كتير جدا بس انا مرضتش اعرفهم 
طب ليه 
عشان مش حابب أقلق حد عليكي انتي كويسه اهو
سكتت لحظه وانا ببصله بحيره
بس انا كنت تعبانه جدا وممكن كنت روحت فيها و....
بلهفه 
هششش بعد الشړ عليكي ياحبيبتي متقوليش كده
شيلت أيده من علي بوقي وسألته بفضول اكبر 
احنا عايشين هنا ليه لما كل اهلنا في الصعيد
اتوتر وهو وبيبص في
مكان بعيد عن عيني
ب بحكم شغلي يعني وكده
قفلت عيني نص قفله وسألته بشك 
انت شغال ايه 
محاسب في شركه هنا 
وانا 
انتي ايه 
انا وضعي ايه بشتغل ولا لا بدرس عندنا عيال !!
هز رأسه بابتسامه مريبه 
انتي