مصلحه ثم عشق للكاتبه زيزي محمد
عند قعدات على الكورنيش وقفت وقعدت تحت شجرة وعيطت كتير سالي فكرت ټموت يزيد ازاي اتخدعت فيها هي قد ايه غبيه بان من الاول طمع سالي ازاي لوثت نفسها في لعبه زي دي علشان ايه مصلحتها تهرب من دخول السچن السچن اكرملها مليون مرة من انها تشترك في حاجه زي دي فتحت شنطتها وطلعت الاجندة وفتحتها وبدات تقرا كل حرف فيها وشافت معلوماته المهمه عدد شركاته عدد املاكه فتحت المستندات واټصدمت انه ماسك على سالي مستندات اختلاس من الشركه هي وعامر وورقه جواز عرفي بين عمر ونهله ومستندات بتنص على ان صافي بتتعالج في مستشفي لادمان مروة واياد الوحيدين االي ملهمش مستندات ولا ذكر اسمهم...قفلتهم وحطتهم في الشنطه وروحت.. اول ما وصلت لقت مروة موجودة مستنياها حاولت تكون طبيعيه رحبت بيها كويس وقعدت معاها لاحظت سكوتها ونظراتها الحادة...
مروة كنتي في انهي داهية ..
فيروز نعم! بتكلميني كدا ليه!...
مروة واتكلمت بحدة مخيفة انا عارفه كويس انك مستجئرة علشان تلعبي دور مرات يزيد علشان تاخدي الارض وعارفه حوار الفاكس بتاع حملك وعارفه باتفاقك مع سالي ازاي واحدة زيك محترمة ترضى على نفسها كدا ازاي قدرتي تلعبي لعبه حقېرة زي دي ايه متربتيش معرفتيش الصح من الغلط متعرفيش حاجه اسمها مبادئ شويه فلوس زغللت في عينك ووافقتي.
مروة لا مقابل مصلحه مش خدمه الخدمه دي بتبقى في الخير مش في الشړ المصلحه بتبقى في الشړ وانتي بتعملي حاجه مقابل مصلحتك!!..
مروة عاوزكي تبعدي عن يزيد وتبعدي عن اي حاجه تخصه ومتسمعيش كلامهم ابدا ولا تبيعي الارض ليهم يزيد روحه في الارض دي ولو فاق و ذاكرته رجعتله ممكن ېموت فيها لو الارض اتاخدت منه انتي متعرفيش هو حارب قد ايه علشان يحافظ عليها واستحمل منهم كميه مخططات وحوارات بحكم انهم ولاد عمه وعمته وصله القرابه ولو هما صورولك ان يزيد شرير هما اللي كدا يزيد طيب وعمره ما كان
مروة اخدت شنطتها ولسه هاتمشي فيروز اتكلمت بسرعه طب لما انتي بتحبيه اوي كدا ليه بتساعديهم
..مروة بتهكم مغلوب على امري صافي في ايديها فلوسي وامي تعبانه في المستشفي هددتني لو مكنتش معاهم هاتبطل تصرف عليها ڠصب عني بقى اضطريت اوافق معاهم بس في نيتي ان احارب من وراهم وامنع ان عميله البيع دي تتم .
مروة سكتت ثواني وبعدها ردت بحزن بس الفرق ان بحبه زي اخويا يزيد وقف جنبي كتير اوي وبحاول ان اقف في ضهره واحميه اتمنى انك تفكري في كلامي ولو احتجتي مساعدتي انا موافقه.
الليل عدا بسرعه ويزيد جه وعرف من الحراسه انها خرجت من غير ملك سكت ومتكلمش وهي كانت في عالم تاني عيونها دبلت والتفكير زاد عن حده معاها وخطوط اللعبه بدات توضح قدامها ومصيرها اترسم قدامها بس الاهم من دا كله انها حبت يزيد بجد حبته في ايام قضتها معاه واتمنته فارس احلامها نيمت ملك وبصتلها كتير وفي لحظه قررت قرار لا يمكن ترجع فيه...
خبطت ودخلت.....وهي مقررة...انها...
البارت الخامس...
نيمت ملك وبصتلها كتير وفي لحظة قررت قرار لا يمكن ترجع فيه...
نزلت لمكتب يزيد ...وقفت واتنهدت وقبل ما تخبط همست لنفسها بتشجيع يالا يا فيروز كملي وادخلي واعملي الصح انتي عمرك ما كنتي ضعيفة كدا اقوي وادخلي اكيد ربنا هايوقفلك ولاد الحلال واكيد ملك هتبقى في امان اكتر ربنا عارف انك مسرقتيش ولا عاوزة ټأذي حد يالا ادخلي...
خبطت ودخلت.....وهي مقررة...انها تعترف بكل حاجة ليزيد...
يزيد باقتضاب تعالي يا فيروز ..
فيروز بخفوت بتعمل ايه!..
يزيد مفيش قاعد سهران شوية.
فيروز ممكن اتكلم معاك .
يزيد بضيق اه اكيد.
فيروز لاحظت انه مضايق مالك يا يزيد انت مضايق مني في حاجة.
يزيد بحدة كنتي فين يا فيروز انهاردا!..
فيروز بارتباك كنت في المستشفى..لا لا...مكنتش في المستشفى.
يزيد امممم كنتي فين بقى.
فيروز ممكن تيجي تقعد قصادي ونتكلم بهدوء .
يزيد قعد قصادها على الترابيزة وهي قعدت على الكنبة اخدت نفس طويل واتكلمت بصوت مهزوز
انا كنت في الشركة عندك..
يزيد ليه!.
فيروز علشان ....لا انا لازم احكيلك الحكاية من اولها وانت لازم تسمعني
