انت عمرى بقلم ايمان صالح

روان
قفل وانا نفخت بضيق اظاهر اني غلطت في تفكيري ولا ايه بعد شويه حازم دخل وانا قربت منه 
_ينفع كده متحضرش خطوبتي 
ببرود_كنت مشغول 
_في خطوبتي كنت أجلت الشغل و 
_تتعوض مره تانيه انا داخل انام
سابني ودخل وانا بصيت عليه يوم ورا التاني و حازم بيجي متأخر وأوقات كتير مش بشوفه و مالك بيجي يقعد معايا شويه و يمشي 
ايمان_صالح 
حازم..
والدته كانت بتكلمه وهو اترمي في حضنها وعيط 
_بحبها اوي يا امي ومش شايف غيرها قدامي 
_طيب ومتكلمتش ليه يا حازم انا طول الوقت اقول بكره يتكلم وانت مش بتتكلم خالص يبني 

_كنت خاېف من مشاعرها كنت هصارحها بس يا امي شوفت هي قبلته و ووافقت علي الخطوبه مكنش ينفع ادخل هي كده بتحبه 
_خلاص ابعدها عن تفكيرك 
_مش قادر انا بنيت احلام كتير عليها اليوم اللي جينا من عند أصحابها كنت هكلمها فيه بس انتي اتكلمتي انا بحبها من زمان وهي مش عارفه ومش حاسه بده !
_يعني هتفضل ټعذب نفسك كده 
_لا يا امي انا هسافر
_ايه هتسافر وتسابنا يا ابني 
_لا يا امي انا هطلع سفريه كده هرتاح شويه وهرجع يمكن انساها 
_بس خليك معانا يبني و 
_كام يوم بس يا امي و هرجع تاني
جهزت نفسي وشنطتي وطلعت وقابلتها في وشي كانت بتبتسم وبصتلي باستغراب
_رايح فين بالشنطه دي 
_مسافر 
_ايه مسافر وسايبنا!
_اه 
_ليه رايح فين 
_هتفسح شويه واغير جو فيه حاجه تاني 
_هتسبنا عادي وتمشي 
_ليه البركه في خطيبك 
_عندك حق انا فعلا كنت مسؤوليه كبيره عليك 
_بتقولي ايه 
_بقولك تروح وتيجي بالسلامه
دموعه قربت تنزل ومشيت من قدامي كنت هرجع بس لا مش هضعف انا لازم امشي.
روان ....
لما شوفته قدامي فرحت جدا بس استغربت لما شوفت شنطته وزعلت جدا انه مسافر طيب هو كان بيقف معايا مين هيقف معايا دلوقتي هو كان معايا في كل خطوه كل حاجه !
دخلت الاوضه وعيطت اول مره افتقد الامان ده ومبقاش موجود مالك كان بيتصل عليا ومش برد عليه او كنت برد أوقات بس وانا زعلانه وهو كان علي طول متضايق .
كنت راجعه من السوبر ماركت ومالك وقفني 
_استني رايحه فين 
_طالعه فوق !
_اقفي معايا شويه 
_مش هينفع في الشارع 
_ايه يعني انتي خطيبتي 
_تعالي فوق واقعد معايا قدام خالتي و 
بغيظ_و حازم !
_حازم مش موجود احمد و امل 
_بس انا عايز اقف معاكي في الشارع هنا براحتي 
_حازم مانعني أقف في الشارع 
بضيق_وهو مش موجود دلوقتي
_بس لو عرف هيزعل مني 
_ما يتفلق ولا يغور في داهيه انتي خاېفه علي زعله ليه 
_مين ده اللي يغور في داهيه ما تتكلمش عليه كده انت فاهم
ضړبني بالقلم_لا مش فاهم متجبيش سيرته تاني قدامي 
مسكت خدودي پصدمه _انت حيوان اصلا 
مسك طرحتي جامد_انتي اللي قليله الادب كل شويه حازم حازم ايه مبتزهقيش 
عيطت _سيبني انت مبتفهمش
صړخت لما مسكني جامد احمد نزل علي صوتي والشارع اتلم علينا احمد ضربه و خدني عملت فيه محضر وبعت ل أهله الشبكه بتاعته كنت قاعده في الاوضه بعيط من كل اللي حصلي فجأه دخل حازم وقعد قدامي ومسحلي دموعي 
_حقك عليا انا غلطان اني سيبتك هنا لوحدك مكنش ينفع اسيبك وامشي كده 
_انت انت عرفت ازاي 
_ماما اتصلت عليا وقالتلي بس وحياتك عندي ما هسيبه في حاله 
_ما هو اتسجن 
_لما يطلع انا هشوف بيمد أيده عليكي ازاي وانا موجود
انسان جميل و لطيف سند بجد انا محظوظه بوجوده في حياتي والله
عدت ايام وبدأت أخرج من اوضتي حازم بعد ما مالك طلع راح وضربه وهدده لو اتعرض ليا تاني هيوريه.
كنت واقفه وهو جه وقف جنبي 
_لسه بتحبيه 
اتخضيت_هو مين ده 
اتكلم بغيظ _مالك 
_مالك !انا مكنتش بحبه اصلا 
_ايه