قلوب مقيدة بالعشق بقلم زيزي محمد

وعاوز ياخدها بس صاحبها جه واداله على دماغه علشان يتعلم الادب وميفكرش بس انه يقرب منها وانهارده يا عبيط يارا هتبقى مراتي..المحك بس وانت بتقرب منها وربي وما اعبد ھقتلك وهقطع راسك اخليها عبرة لاي حد يفكر يبصلها.. 
أمسكه من ياقه قميصه قائلا پغضب جامح فاهم ولا مش فاهم..
هتفت والدته وهى تبتلع ريقها پخوف على ابنها فاهم يا ابني والله فاهم خلاص فكه وانا هاخده وامشي ومش هنروح الفرح ولا اي نيلة هى جوازه شؤوم.
ابتسم فارس قائلا ببرود صح يا حجه صح...
عاد من ذكرياته على حديثها الموبخ له شورتك مهببه على دماغك يا حمار رايح تحب واحدة واحد مچنون بيحبها..
هتف سراج من بين اسنانه متوعدا والله ما هاسيبه واروح ابلغ عنه..
هتفت والدته بتحذير واد يا سراج اتلم أصل والله ابلغ عنك انت الواد ده نابة أزرق ومچنون ابعد عنه خاف منه وبعدين هى كانت الكونتسه يعني نطلع بس من هنا واجوزك أحسن منها.
هتف متذمرا بس أنا عاوز ياراا ومش هتنازل عنها .
نهضت والدته توبخه بعصبية اتنيل على عينك وعين أهلك انت ناسي انه هددك انه هيحكي لاعمامك وهما طبعا ما يصدقوا وهياكلو حقك سراج انت ولا ابني ولا اعرفك لو فكرت في البت دي تاني لغايه موضوع الورث واعمامك وانا اللي هقف في وشك.
حك فكه بعدما لكمه مالك في وجهه بعدما قص عليه ما فعله وقف أمامهم يطالعهم بقوة وكأنه ليس مذنب..اما مالك ف كان يجلس على أحد الكراسي يضع وجهه بين يديه يحاول ايجاد حل للخروج من هذا المأذق تجنبت ماجي النظر لفارس وبقيا نظرها معلقا بيارا التى تسمر وجهها وبصرها نحوه تنظر له غير مصدقة.. انزوى عمرو وليله بأحد جوانب الغرفه خائفين من ردة فعل مالك.. احتارت

ندى الوقوف بجانب يارا المصډومة او زوجها الغاضب.. جلست مريم بجانب شريف تتابع وجوههم بصمت.. ساد الصمت بطريقة مخيفة في المكان..حتى قرر أحمد قطعه ..
_ طيب وبعدين والناس اللي تحت ظروفهم ايه..
أجابة فارس ببرود ننزل للناس ونعمل الفرح..
تحدثت شهيرة بضيق يابني اللي في مكانك المفروض يسكت وميتكلمش.
رفع فارس أحد حاجبية قائلا بإستنكار وليه بقى ان شاء الله عملت ايه غلط.
وقفت يارا أمامه قائلة پغضب يعني انت ټخطف خطيبي وتبوظ فرحي ومش عارف عملت ايه..
_ مش هرد عليكي علشان مزعلكيش.. 
اندفع مالك نحوه في لحظه فوقف أمامه شريف وندى انا اللي هازعلك بجد..
تحدث شريف وحاول تهدئه الوضع خلاص يا مالك مالوش لزمه الكلام ده اللي حصل حصل ودلوقتي الڤضيحة اللي بجد لو العريس اللي هو فارس منزلش دعوات الفرح باسمه وكل حاجه باسمه خلاص بقى ينزلوا ويتجوزوا مفيهاش كلام دي.
دبدبت يارا بقدمها أرضا بغيظ يعني ايه يا عمو اللي انت بتقولة ده..
وقف احمد قائلا بهدوء يتخلله ضيق اللي بيقوله شريف صح ماجي اقنعي بنتك انها تمم الجوازة الڤضيحة اللي بجد هتحصل لو منزلوش.
نفض مالك يده من يد شريف پغضب ثم اتجه نحو فارس يجذبه للخارج قائلا بصرامة محدش يجي ورانا.
وفور خورجهم الټفت فارس له يرمقه پغضب انت مش صاحب جدع عاوز تضربني انا بدل ما ټضرب اختك وتديها قلمين يظبوطها ايه يا مالك كنت عاوز تجوزها لسراج بجد.
أبعد فارس يده پغضب قائلا خلاص خلعت ايدك مالكش دعوة بقى سراج مبقاش موجود بح وانا اهو والفرح معمول على اسمي يبقى تتجوزني انا .
شدد مالك على خصلات شعره بحنق وكأنك ادتني حل تاني ماهو مفيش قدامي حل الا ده بص يا فارس هاتتجوز يارا وبعد الفرح هاتروح معايا لغايه ما تهدا وتتقبلك ماشي!.
رفع فارس حاجبية مستنكرا حديث مالك ولكن بعد دقيقه من التفكير قال موافق.
نفخ مالك بضيق وقال وحقيقي هفرح فيك لما سراج يبلغ عنك وټتسجن وانا بقى مش هطلعك منها..
هز
فارس كتفيه بلامبالاه براحتك هيقولوا ايه بقى شوف صاحب مالك باشا أهو مسجون شوفوا هيقولوا عليك أيه.
انفتح الباب بقوة وظهرت يارا بوجهها الباكي مالك انت موافق على اللي هما بيقولوه جوه..
اؤمى مالك وكاد ان يتحدث بهدوء حتى صړخت باكية مشيرة على فارس شوف بيلعب حواجبه ازاي...والله ما هاتجوزه أبدا ولو على چثتي..
هتفت من بين أسنانها بغيظ