روايه في حمايه صعيدي لكاتبتها اسراء ابراهيم

مش حاسة بأي حاجة فقرب منها وقعد جمبها وهو باصص ليها بندم علب معاملته القاسېة ليها
باسل بندم انا اسف يا جميلة 
صدقيني اسف علي معاملتي ليكي انا بس كنت عاوزك تفوقي من الوهم اللي انتي فيه بس نفسي اعرف ليه رغم معاملتي ليكي انقذتيني مع انك كان ممكن تسيبيني اموت ليه تعملي كدة يا جميلة ليه تخليني اعيش بذنبك
كان بيتكلم باسل وهو ماسك ايد جميلة فاتفاجئ بيها بتشد علي ايديه بتعب فبصلها بلهفة لاقاها مفتحة عنيها بس مش فايقة اوي
جميلة بتعب باسل انت فعلا هنا انا اسفة اوي
باسل بلهفة جميلة متقوليش كدة انا اللي اسف انا السبب في كل اللي انتي فيه
جميلة راحت في النوم من تاني ففهم باسل ان البنج مأثر عليها ووقتها اتنهد بحزن وهو مقرر يغير معاملته معاها تماما ويعتذر منها علي معاملته ليها قبل كدة
..........................
كان سايق بدر پغضب وفريدة جمبه وكانت بتبصله پخوف وبتفتكر لما دخل المطعم ودور فيه حتة حتة وملقاش حد فيه وكأنه كان عارف انها جاية تقابل هشام ولما خرج ډخلها العربية من غير ما ينطق بحرف كانت من جواها متأكدة ان بدر مش هيسيبها الا لما يعرف كانت هنا ليه وبتقابل مين فكانت مړعوپة اوي من رد فعله
فريدة پخوف بدر انا كنت جاية عشان
بدر پغضب ونبرة صوت قوية اخرررسي لحد ما نروح مش عاوز اسمع صوتك فاااهمة
فريدة بدموع طب اسمعني يا بدر لو سمحت وبعدين قرر انا عارفة اني غلطت لما خرجت من غير ما اقولك بس
بدر پغضب اكبر انا مفيش حد جدر يستغفلني كلامي ولا يحسسني اني مش راجل انتي الوحيدة اللي عملتي اكده فاكراني مش هعرف انك خرجتي تجابلي عشيقك ولا انك كنت علي علاقة بهشام 
فريدة اتفاجأت بكلام بدر وكانت مصډومة واټصدمت اكتر لما اتفاجأت بيه ب....يتبع 
البارت السابع 
في حماية صعيدي 
بقلمي اسراء ابراهيم
اتفاجأت فريدة ببدر وهو بالق٭لم علي وشها فدماغها اتخب٭طت في شباك العربية وجابت وحست فريدة وقتها بدوخة وانها هيغمي عليها
فريدة بتعب انا مظلومة يا بدر
قالت كدة فريدة واغمي عليها وبدر وقتها قلبه اتقبض ورغم غضبه منها بس لهفته عليها كانت واضحة وضوح الشمس ساق بدر باقصي سرعة ورجع عالبيت واول ما وصل نزل وشال فريدة ودخل بيها بسرعة بس مكنش فيه حد غير بدور بنت خالته اللي اتفأجت بيه وهو شايل فريدة فالنا٭ر قادت في قلبها بس مبينتش
بدور بخضة وه في ايه يا بدر ايه اللي حوصل ومالها مرتك 
بدر وهو شايل فريدة وطالع بيها فريدة تعبانة شوية يا بدور همي هاتي مية وجطن وحصليني بسرعة
بدور بغيظ حاضر يا واد خالتي من عيوني
طلع بدر الاوضة وحط فريدة عالسرير وبص اللي في دماغها بندم بس لما افتكر اللي حصل وانها عصت كلامه وخرجت و لما اتأكد انها فعلا علي علاقة بهشام لما كلمه الغفير بتاعه وقاله انه شافها قاعدة معاه وقتها حس بنا٭ر في قلبه و قبض علي ايديه پغضب لحد ما استنبه علي صوت بدور
بدور بغموض الجطن والمية يا بدر
بدر وهو بياخد الحاجة تسلمي يا بدور روحي انتي بجي
بدور بفضول مش هتجولي فينها خالتي اني چيت ملجتش حد خالص اهنه وكمان مرتك مالها وايه اللي عمل فيها اكده
بدر بتجاهل جميلة خيتي اتصابت من واحد ابن حر٭ام طلع عليها عشان يسرجها وهي في المستشفي دلوك وامي هناك هي وابوي

وعمي
بدور ببتصنع يا مري چميلة اتصابت الف سلامة عليها اني هروح لامي ونروحلها علطول بس مرتك بجي ايه اللي چرالها
بدر بجدية مالهاش تعب بسيط يلا روحي انتي واجفلي الباب وراكي
بدور بغيظ ماشي يا بدر سلام
خرجت بدور وعقلها مشغول ببدر وخوف من فريدة تكون حامل اما بدر فكان بيعالج فريدة وجواه ڠضب يكفي الكون كله وكان بيفكر هيعمل ايه معاها لما تفوق 
.....................
بليل كان واقف باسل قدام اوضة جميلة ومعاه ابوه وعمه منصور وصفاء وحكالهم باسل عن اللي حصل لما خرج مع جميلة
منصور بعتاب بس اني بعتب عليك يا باسل يا ولدي ليه مخبرتنيش اول ما حصل اللي حصل
باسل بجدية والله يا عمي منصور انا مرضيتش اقلقكم و قولت اطمن عليها وبعدين اطمنكم والحمد لله انها جت علي قد كدة
صفاء بدموع بتي يا منصور اني رايدة بتي رايدة اطمن عليها
نبيل بهدوء متقلقيش يا ام بدر بنتك زي الفل والدكتور طمنا وشوية تفوق وتشوفيها وتطمني عليها بنفسك
الممرضة بابتسامة المړيضة فاقت والدكتور بيقول تقدرو تدخلولها
صفاء بفرحة بجد يا بتي الله يباركلك يلا ندخلها يا منصور
في نفس الوقت كانت جاية عليهم بدور ومعاها فارس وامهم فاطمة بس باسل اول ما شاف فارس قبض علي ايديه پغضب وبص لفارس بحد٭ة و حاول يتحكم في نفسه ويهدا عشانهم
فاطمة بخضة ايه اللي حوصل يا صفاء ومالها چميلة
صفاء بدموع بتي حرامي طلع عليها وض٭ربها بسكي٭نة اللي تتج٭طع يده
فارس كان بيبص لباسل پغضب