عشق الادهم
واصلا بخيل ازاى وانا على طول بسحب منه بالالفات
شوقى وهو قايم يشرب كاس طيب ياختى اهم حاجه القى حد يصرف عليا
لورا بعصبيه انت مش هتبطل تشرب الزفت ده
شوقى وبدء يسكر لا ياختى مش هبطل و مش عايز ۏجع دماغ انا مصدقت امك ماټت وخلصت منها
لورا پقهرا ماهى ماټت من الغلب الى شافته معاك كنت مشغلها علشان تشرب الزفت ده ومستخسر فيها العلاج لحد مجلها فشل كلوى وسابتهالك سابتلك الدنيا كلها وسابتنى لغلبك
لورا بسرعه خلاص بس ابوس ايدك بلاش بكره تشرب والبس البدله الى جبتهالك انا بقالى سنه باخد منوا فلوس علشان اشترى الشقه دى وأظهر ادامه زى مانا مفهماه
شوقىخلاص بقى غورى من وشى السعادى
سابته لورا ودخلت اوضتها وهى بتقول انا لازم اسرع الجواز قبل مايبوزها انا استحاله هفضل عايشه ومستحمله الغلب ده معاه انا لازم ابقى غنيه وغنيه قوى إنشاءالله على حساب اى حد !!اى حد
الحلقه الخامسه ....
محمد تانى يوم راح لورا وقابل ابوها الى ظهر قدامه انو فعلا انسان محترم
شوقى اتفضل يابنى اهلا وسهلا .
محمداهلا بيك ياعمى
لورا تشرب ايه يامحمد
محمد ولا حاجه متتعبيش نفسك
شوقى ازاى لازم تشرب
وبص لورا اعمليللنا اتنين قهوه
لورا حاضر ثانيه واحده .
شوقى لمحمد انا بنتى حكتلى على كل حاجه ولولا انها بتحبك انا مكنتش وفقت على الجوازه دى ابدا
اجت لورا بالقهوه اتفضلوا
محمد انا بقول نتجوز كمان يومين وكل حاجه اصلا جاهزه
شوقى انت مستعجل قوى كده ليه ماهى لازم برده تشوف الى ناقصها
لورا بسرعه انا مش ناقصنى الى شويه لبس بس
محمد خلاص بكره هخدك وننزل نشترى الى انتى عايزاه
شوقى امرى لله يالا على خيرت الله
بعد مرور شهر
كانت همس بدات نفسيتها تتحسن كتير وحتى الاولاد معادوش بيسالوا على باباهم زى الاول وده لانه من ساعت ماتجوز مافكرش حتى يسال عليهم ومصارفهم بيبعتها بالبريد ودى كانت فكره لورا علشان يبقى معاه وصل بالفلوس دى الى ھتموت وتخليه يمنعها
نزلت همس كالعاده توصل حور المدرسه قابلت صاحبتها نرمين بتوصل ابنها زين اكبر من حور ب٣سنين واصحاب جدا
همس نيرو حبيبتى متزعليش منى والله كان عندى ظروف
نرمين خير ياحبيبتي.
همس بصت على حور بعدين يانرمين
نرمين لزين وحور يالا يازين خد حور وادخل وديها فصلها وروح فصلك
زين حاضر ياماما
مسك حور من ايديها ودخل المدرسه
نرمين لهمس وراكى حاجه
همس لا
نرمين طيب تعالى نروح اى كافيه
بعد ماوصلوا الكافيه
نرمين ها ياستى احكيلى مالك انتى فى مشاكل مع محمد
همس انا اطلاقت
نرمين بشهقه اطلاقتى ليه وامتى وايه الى حصل وصلك لكده
همس اهدى يانرمين ووطى صوتك الناس بتبص علينا
نرمين بزعل كده ياهمس ابقى اخر واحده اعرف اخس عليكى
همس بتنهيده والله يابنتى انا ماكنتش عارفه افكر انا حتى حنين ماكلمتهاش الا لما كان جاى يطلق
نرمين طيب ايه الى حصل
همس هحكيلك
وحكتلها كل حاجه لحد مااطلاقت
نرمين
بنى ادم زباله ربنا ينتقم منه والولاد عاملين ايه مسالش عليهم خالص
همس لا ولا مره من يوم مااتجوز انا مش عارفه كان فين عقلى لما وفقت عليه كان لازم اسيبه ايام الخطوبه بس هقول ايه الحمد لله نصيب واهو رزقنى بحور وادم علشان يعوضونى
نرمين وتعملى ايه دلوقت
همس ولا حاجه بعت كل الحاجه بتعتى والشبكه وعلى فلوس مأخرى عملتهم وديعه والى بيجى منهم على النفقه بصرف على العيال واهى ماشيه
نرمين انا مقصدش فلوس هتعيشى كده وانتى لسه صغيره
همس اه يانرمين هعيش لولادى معنديش استعداد ابقي تحت رحمه راجل تانى
نرمين ياهمس ياحبيبتى مش يمكن تلاقى الى
قاطعتها همس مش عايزه كفايه تجربه واحده بالله عليكى قفلى على الموضوع ده المهم انتي عامله ايه وعادل عامل ايه
نرمين الحمد لله
وكملوا رغى مع بعض لحد معاد طلوع الاولاد من المدرسه اخدوهم وروحوا
روحت همس بحور واول مادخلت كانت مامتها وقفه مستنيها
هناءكنتى فين يابنتى قلقت عليكى
همسابدا ياحبيبتى قابلت نرمين وكانت زعلانه منى روحنا كافيه جنب المدرسه وفضلنا نرغى لحد معد الاولاد مالك بس قلقانه ليه
هناءابدا ياحبيبتى مقلقش عليكى يعنى المهم عندى ليكى مفاجاه
همسخير ياماما
وفجاه لقت الى شالها وفضل يلف بيها من ضهرها
لفتله بعد مانزلها والمفاجاه صډمتها
همس بصوت عالى اسر حبيبى ودموعها نزلت وحشتنى قوى قوى ياحبيبى كنت محتجالك قوى
وفضلت ټعيط لدرجه
وجعت قلب اسر ودموعه نزلت
اسر انا اسف والله من ساعت ماما قالتى وانا هتجنن وانزل بس اعمل ايه الحيوان صاحب الشركه كان رافض بس اول ماجت فرصه خلعت منه
خرجت من اخوها وبصتله المهم عامل ايه واخبار شغلك ايه
اسر الحمد لله اهى ماشيه
جريت عليه حور خالوا حبيبى عامل ايه
اسر حور القمر وحشانى ياعمرى
حور وانت كمان ياخالوا
اسروانتى كمان ياروح خالو ادم فين
ادم كان يادوب لسه صاحى وطالع
