الخذلان بقلم منى محمود

و شركة ابوك حتي اختك رغم اني معرفش موقفها بس هروحلها هي كمان شغلها انا خلااااص بقيت مچنونة بجد و هدمركم كلكم سامع والله يا خالد هفضحكم لو مطلقتنيش و خدت حقوقي منك وقبلهم كلهم تنازل عن حضااانة ابني بعد دا كله اۏلعو كلكم ولا يهمني 
خالد .... انتي فاكرة أن بعد ايديك ما اتمدت عليا هخليكي ثانيه علي زمتي انتي طالق يا ميرنا طالق طالق و حقوقك و حضانة المحروس ابنك هتخديهم ع الجزمة القديمة و ع الله ألمح وشك في اي مكان له علاقه بيا أو بعليتي و في خلال شهر هكون متجوز واحدة محترمة و متربيه مش تربيه ستات زيك 

حنان پغضب ... اما انك قليل الادب صحيح اطلع ورا يا ولا بدل ما الم عليك الجيران و ارفع ايدي انا كمان عليك ما انت بقيت ملطشة خلاص 
ميرنا بحب ... صباح الخير يا قلب ماما وحشتني انت كمان اوي 
حنان .. صباح الخير يا ميمو 
ميرنا ... صباح النور يا ماما فطرتو ولا لسه 
حنان ... من بدري يلا اقعدي مع سولي علي ما حضرلك فطار خفيف كدة 
ميرنا ... ماشي بس بسرعه عشان عايزة انزل اشوف حضانة تانيه مش هينفع سليم يفضل قال في البيت كدة 
حنان ... أن شاء الله خير
_ نزلت فعلا دورت علي حضانة تانيه ل سليم وانا كل ما صورة خالد تيجي في بالي اجبر نفسي اني مفكرش مفكرش غير ف ابني وبس وانسي اي حاجة تانيه كان في حضانة قريبة شوية من ماما دخلت و زي كل مرة قلت كل حاجة تخص سليم و استنيت رد المديرة
مديرة الحضانة ... تمام يا مدام ميرنا بس كدة مصاريف سليم هتختلف عن مصاريف باقي الاولاد 
ميرنا .. ليه 
مديرة الحضانة .. لانة هيحتاج مجهود زيادة و هيقعد وقت أطول في اوضة المنستيري 
ميرنا ... زيادة كام يعني 
مديرة الحضانة ببتسامة ... الضعف 
ميرنا ... الضعف ! مش كتير شوية حضرتك دا حتي لسه سنتين اومال لو اكبر شوية كان ايه الوضع 
مديرة الحضانة ... طول ماهو موجود معانا هيفضل مصاريفه الضعف ديما و زي ما قلت ل حضرتك دا لانة هيتطلب مننا مجهود زيادة
ميرنا .. طيب انا موافقة 
مديرة الحضانة .. تمام تقدري دلوقتي تملي الاستمارة دي و ينزل من بكرة معانا
ميرنا .. أن شاء الله
_ فعلا نزلتة تاني يوم و كلمت البواب يعرفني اول ما خالد ينزل من البيت واول ما كلمني روحت بسرعه وجبت حاجاتي و حاجات سليم كلها و خليت مرات البواب تساعدني عشان الوقت ونزلت رجعت ع بيت ماما وبعد يومين جالي محضر ومعاة ورقة طلاقي معرفش ازاي كنت جامدة مفيش اي تعابير بانت عليا وقتها لدرجة أن ماما خاڤت عليا و في نفس اليوم بالليل والد خالد اتصل ب ماما و قالها أن المؤخر بتاعي اتحط في حسابي اللي ف البنك و أن في شهريه هتوصل ل سليم عشان مصاريفة و أن ياريت أن اوافق اخد تمن عفش ال جبتة فلوس عشان خالد محتاج الشقة ومجبش سيرة ازاي هيشوف ابنة أو امتي اتكلمو ف الماديات وبس ... وافقت لان مكنتش عايزة اي حاجة تفكرني بيه و بردو مخدتش اي رد فعل
قاطعتها مني .. ليه كتمتي حزنك جواكي كل دا ليه 
ميرنا بۏجع ... عشان مكنش ينفع أضعف مكنش ينفع اكتئب وازعل علي حب عمري مكنش في وقت لكل

دا الدكتور كان قايلي أن لحد سن
اربع سنين هما الفيصل في علاج سليم و هيحددو حاجات كتير ومحتاجين شغل كتير و تركيز مكنش ينفع أضعف وازعل وانا ابني محتاجلي لو الدنيا كله اتخلت عنة انا لا انا جيشه و قوتة و سندة كتمت جوايا عشان اكمل معاه حاولت اكون قوية ع قد ما اقدر عشانة
مني ... وبعدين كملي
ميرنا ... عدت سنة كمان وسليم بقا تلت سنين ومشفش في خلال السنة دي أبوة و أهله غير مرتين في النادي مفيش غير هند اللي بتحاول تشوفو كتير و بتطمن عليه ديما وعرفت من ناس مشتركة بيني وبين خالد أنه اتجوز اخت واحد صحبة في الغردقة و عايش هناك