روايه كامله بقلم سلمي تامر
لما عرفتي انك لسه على ذمتي لأنك مش بتحبيني وبعد اللي عملته معاكي لما كنت مش في وعيي كرهتيني اكتر علشان كده انا هحررك مني ومش هفرض نفسي عليكي بس في نفس الوقت هفضل في ضهرك وقت ما تحتاجيني
اتضايقت جدا من كلامه عن الفراق لكن مقدرتش تنطق بكلمه وتمنعه لأن حتى لو كرم بيحبها مستحيل ينسى انها خدعته قبل كده و همته انها بتحبه علشان ټنتقم من ابن عمها وفي نفس الوقت خمن كرم سكوتها ده على موافقه على الطلاق.. غمض عنيه بحزن وكان ناوي يرمي يمين الطلاق على حبيبة لكن اللي منعه صړخة منار بإسم اختها وهي
_انت كويسه يا حبيبة حاسه بحاجه وجعاكي
_اهدي والله انا كويسه واغم عليا لأني كنت مرهقه جدا اليومين اللي فاتوا بسبب اللي بيحصلي
منار بدموع وحزن وهي بتمسك ايديها
_انا اسفه ياحبيبة اني سبتك تتعرضي لكل ده لوحدك انا مش عارفه انت ازاي قدرتي تستحملي كمية الظلم اللي اتعرضتلها دي
ابتسمت حبيبة بحزن
_انا استاهل اللي بيحصل فيا ده يا منار انا اوحش انسانه في الدنيا ومش بعمل حاجه غير اني بأذي اللي حواليا
_بطلي تلومي نفسك خلاص كفاية اللي حصل حصل وانت مأجبرتيش حد على حاجه
_تعرفي ان كرم كان هيتجنن عليكي طول الطريق ياحبيبة
ابتسمت حبيبة بحزن وبعدت عنها
_يفيد بأيه كل ده وهو كان هيطلقني دلوقت
_يطلقك! يطلقك ازاي ده بيعشقك
_كرم مش ناسي اللي حصل
وكملت پألم وغيرة
_ده غير انه متجوز وشكله ناوي يكمل حياته مع مراته
_اللي عملته فيه مش شويه برضو يا منار انا عذراه وهو من حقه يكمل حياته مع واحده بتحبه من قلبها
منار بتساؤل
_طب وانت ياحبيبة حبتيه
فكرت حبيبة كتير في سؤالها لكن ملقيتش جواب مش عارفه مشاعرها ايه ناحيته لكن حاسه انه بدأ ياخد جزء من اهتمامها
_تعرفي ان سيف كان هنا ومشى لما اتطمن على حالتك
متأثرتش حبيبه من المعلومه دي واتكلمت بنبرة عادية
_امم فيه الخير
منار بإستغراب
_حبيبة هو انا ليه بحسك محبتيش سيف اصلا كون انك تسبيه وتقدري تتجوزي غيره ده دليل كفاية انك محبتهوش اصلا
سكتت حبيبة شويه وبعد كده رديت بجدية
_انا وسيف من صغرنا مع بعض وهو كان اقرب حد ليا في العيلة ولما كبرنا واعترفلي بحبه ليا لقيت نفسي بقوله ان انا كمان بحبه وكنا خلاص هنتجوز وكنت شايفه انه الزوج المثالي بالنسبالي لكن مع اول مشكله قابلتنا وشوفت صوره مع صاحبته القديمه دي وانا مفكرتش في اي حاجه وقررت انهي علاقتي معاه بدون تردد ووقتها مكنتش حاسه بأي حاجه من الغيرة مثلا او ان واحده غيري لمسته والمفروض اتضايق لكن كنت كل اللي بفكر فيه كرامتي مش اكتر واني لازم انتقم ليها ف علشان كده حاسه ان انا فعلا زي ما قولتي مبقتش احب سيف..او محبتهوش اصلا وكل ده كان وهم عايشه فيه وكنت حابه حب سيف ليا مش اكتر
ايه دلوقت
_مش عارفه..انا تعبانه وعايزه ارتاح يامنار وزهقت من اللي انا فيه ده
الباب خبط ودخل كرم وهو ماسك كياس كتير في ايده وبيتكلم بهدوئه المعتاد
_جبتلكم فطار علشان نفطر ونتحرك لأسكندرية علشان خديجه مبهدله الدنيا هناك وقلقانه عليا وعليكي ياحبيبه
ابتسمت حبيبة بحب للست دي واللي بتغرقها بحنانها واهتمامها كل ما تشوفها واتكلمت بإشتياق واضح
ابتسملها كرم وحط قدامها الاكل
_وانت وحشتيها اوي برضو كلي علشان متقعيش من طولك تاني
بعد فترة كانت حبيبة قاعده جنبه في العربيه ومنار في الكنبه اللي ورا وبتبص لحبيبة بتردد شديد لدرجه ان حبيبة لاحظته
وبصتلها بتساؤل
_يبنتي فيه ايه مالك لو عندك حاجه قوليها وارحميني من التأتأه اللي هرياني بيها طول السكه
منار بتردد
_بصي ياحبيبة انت عارفه اني بدرس ادارة اعمال في لندن والامتحانات قربت ولازم اسافر يإما السنه هتضيع عليا وفي نفس الوقت مش عايزة اسيبك لوحدك
انتبه كرم لكلامهم واستنى يسمع رد حبيبة بإهتمام ويعرف ناوية على ايه عنيها دمعت پألم واتكلمت بنبرة حزينه قطعت قلب كرم كليها
_انت كمان هتسبيني يامنار!
منار بحزن عليها
_يا حبيبتي والله مسألة وقت علشان اتخرج وارجع اعيش معاكي على طول لو محضرتش الامتحانات هضطر اسافر تاني سنه كامله وبدل ما اسيبك كام شهر هسيبك سنة
هزيت دماغها بموافقه
_طيب يامنار رينا يوفقك
_حبيبة علشان خاطري متزعليش مني والله مسألة وقت
ابتسمت حبيبة بهدوء
_مش زعلانه يامنار انا عمري ما هقبل اني اقف قصاد مستقبلك متقلقيش
سكتوا تاني وفكر كرم في ان لو منار سافرت هتضطر تعيش مع سيف وسميحه في بيت واحد لوحدها ودي حاجه هو مش هيسمح بيها ابدا وفي نفس الوقت مستحيل تقبل ترجع لبيته وسهيلة موجوده فيه لأنه لسه مطلقهاش ومستني كام شهر يعدي وهيطلقها علشان سمعتها
فضل طول الطريق يفكر هيعمل ايه وازاي هيأمن لحبيبة عيشة مرتاحه علشان نفسيتها تتعافى وترجع احسن من الاول بعد اللي حصل معاها
_ماما ياماما
جات سميحه بفزع من صوت سيف العالي ووقفت قدامه بثبات مصطنع
_في ايه مالك
_انت ازاي عملتي كده في حبيبة! ازاي قدرتي تقسي عليها بالشكل ده هي اذيتك في ايه
سميحه بسخرية
_أذيتني في ايه! وهي لما تكسر قلبك قبل فرحك بكام يوم كده مأذتنيش
_حاجه متخصكش واللي عملتيه ده ملوش مبرر ابدا انا بجد مصډوم مش قادر اصدق انك قدرتي تعملي حاجه زي كده بس عارفه مش انت عملتي فيها كده علشاني انا بقى هسيبلك البيت واسافر ولما بابا يرجع من السفر يبقى يتعامل معاكي
طلع سيف يلم هدومه وسميحه وراه بتترجاه پعنف
_لأ ياسيف علشان خاطري متعملش فيا كده
تجاهلها سيف وكمل لم هدومه ومتجاهل كل الكلام اللي بتقوله نزل بشنطته وهي وراه بټعيط پعنف وندم لكن سيف قلبه محنش ليها وساب البيت ومشى وهو مقرر يبعد عن كل حاجه ويبدأ من الاول وجديد في بلد تانيه بعيد عن الكل
وصل بعد شويه كرم وحبيبة ومنار ولقوا سميحه قاعده على الارض پتبكي بحسره بصوا لبعض بإستغراب واول ما لمحتهم بصيت لحبيبه بكره وقربت وهي ناويه تضربها وبتتكلم بكره
_ابني سابني بسببك..والله لأقتلك
منعها كرم من انها تقرب عليها وزقها پعنف لدرجه ان اختل توازنها
_ابعدي عن مراتي ياست انت وقسما بالله لولا انك ست كان زماني عامل معاكي الواجب دلوقت
حبيبة بصتلها بكره واستحقار ووجهت كلامها لكرم
_سيبك منها ياكرم دي بني آدمه مريضه ولما يرجع عمي هو اللي هيتصرف معاها
بص كرم لسميحه بإستحقار وشد ايد حبيبة واتجه ناحية اوضتها وبعد ما وصلوا كلمها بحنان
_حبيبة
سميحه ست شړانيه وانا مش مآمن تقعدي معاها في بيت واحد بعد اللي عملته
_طب هروح فين يعني ياكرم انا مبقتش حمل اللي بيحصلي ده والله العظيم تعبت
_اهدي ياحبيبة انت لحد دلوقتي مراتي ومسئولة مني ومكانك هيبقى مكاني
بعدت عنه واتكلمت بنفي
_لأ ياكرم..مش عايزه ارجع معاك وسهيلة دي موجوده
_انا هاخدك تعيشي مع امي لحد ما نفسيتك تروق..هي اكتر حد هيعرف يكون جنبك الفتره دي وانا معاها ومش هسيبك غير لما تبقي كويسه وقادرة تواجهي العالم ياحبيبة
بصتله حبيبة بتفكير
_انت متأكد ياكرم ان مامتك مش هيكون عندها مشكله اني اقعد معاها فترة في بيتها بعد اللي
عملته..يعني مش هيحصل مشاكل
قالتها حبيبة بقلق وتوتر وهي جنب كرم في عربيته ومتجهين ناحية البيت
رد كرم وهو سايق وبيحاول يطمنها
_يا بنتي ماما دي سكر اصلا واطيب حد ممكن تقابليه في حياتك ومستحيل تكون بتفكر بالطريقة دي
سكتت ورجعت تاني تفكر في حياتها الجايه بصيت لكرم بشرود وسرحت فيه وفي وملامحه الوسيمه وحسيت انها مطمنه وهي جنبه احساس الامان اللي فقدته بمۏت والدها رجعلها دلوقت بفضل كرم ووقوفه في ضهرها
لاحظ كرم انها بتراقبه علشان كده اتكلم بخبث
_حلو انا صح
توقع انها هتتكسف مثلا او هترد بسخريه لكن فاجئته بردها اللي هز ثباته جدا
_فوق ما تتخيل بحسك شبه ابطال المسلسلات التركي حاجه كده مستحميه مرتين
بصلها كرم پصدمه من جرئتها وابتسم بخجل حبيبة لاحظته وضحكت بصوت عالي
_انت بتتكسف ياكرم
_مش لدرجة اتكسف يعني بس متوقعتش تمدحي فيا حبيبة الرشيدي اول مره تشكر في حد غير نفسها
ابتسمت بحزن على جملته
_قصدك اني مغرورة ومتكبرة صح
وقف العربيه على جنب لما حس انها اتضايقت وبصلها واتكلم بجدية
_عمري ما صدقت اللي بيتقال عليكي وانك متكبرة ومغرورة ونرجسية وكل الكلام ده من اول مره شوفتك فيها وانا حاسس ان جواكي واحده نقية جدا بتتصرف بعفوية وطفولية وطيبة لدرجة السذاجة وبتداري كل الصفات دي في واحده معندهاش قلب وبتتعامل مع الناس من غير رحمه لكن انت مش كده ياحبيبة انت احسن من كده بكتير ويمكن تربية باباكي الله يرحمه ليكي كانت سلبيه اثرت شويه على شخصيتك لكن اللي متأكد منه انك مش عاجبك حالك ده وانك هتحاربي علشان تغيري شخصيتك المصطنعه دي وتبقي على طبيعتك اللي هتخلي كل اللي حواليكي يعشقوكي مش بس يحبوكي
بصتله بتأثر من كلامه وعيون بتلمع بأمل وفرحه وابتسامه سعيدة اول مره حد يشكر فيها وفي شخصيتها وكان مش اي حد ده كرم كرم اللي دخل حياتها وبيحاول يغيرها للأحسن بصوا لبعض بشرود وعيونهم قالت كلام كتير وحس كرم بمشاعر مختلفه جدا ناحيتها كان لسه هيقرب منها لكن رنة تليفونه منعته رجع تاني مكانه بإحراج واتوتر وحبيبه رجعت لوعيها وبصيت للشباك وكرم رد على تليفونه بضيق
_ايه ياسهيلة في ايه
_نورتي بيتك يا غالية
ابتسمت حبيبة بحب
_بنورك ياطنط
_لأ طنط ايه قوليلي ياماما ادخلي ياحبيبتي اوضة كرم حطي فيها هدومك وحاجتك والبسي حاجات مريحه عقبال ما احضرلكم الاكل يلا متتكسفيش
اخدت حبيبة شنطتها ودخلت الاوضه اللي خديجه شاورت عليها بص كرم لخديجه واتكلم بجدية وهو بيقعد على الكنبة
_ماما انا جبتلك حبيبة لأن عارف ان انت اكتر واحده هتعرفي تحتويها وتخلي بالك منها هي حاولت ټنتحر قبل كده بعد مۏت ابوها وبعدها حصل موضوع خالها ده ونفسيتها حاليا تحت الصفر حتى لو بتحاول تتعامل عادي
خديجه بحزن
_طب وانت ياكرم برضو خليك معاها ومتبعدش نفسك عنها ده انت روحك فيها
ابتسم كرم پألم
_مقدرش ابقى معاها وهي مش بتحبني ياماما حتى لو هي جات دلوقت قالتلي انها بتحبني مش هصدقها عارفه ليه علشان مشاعرها دلوقت متلغبطه ومش مستقره هي حاسه معايا بالحمايه والأمان والامتنان مش اكتر لكن اول ما اتأكد انها بقيت تحبني بجد من قلبها واشوف ده في عينيها كل حاجه هتختلف وهبدأ معاها من الاول خالص
_ربنا يجمعكم ببعض يبني ويريح قلبك انا قايمه احضر الاكل
قامت خديجه وراحت ناحية
