اسميته تميم
ليه بتقول كده!!
تخيلي لو أحنا بنحب بعض زي ما هما شايفين وصاحبي بيحاول يقرب منك من وراي بجد حاسس أني أتخميت فيه أوي
ابتسمت وقولت
لو مرتبطين بجد ساعتها ليك حق تقول كده وليك حق تبعد عنه أنما أحنا في لعبه
قعدنا وقال
متأكده أنك شايفاها لعبه!!
حسيت بخضه دخلت جوه قلبي من نظرته كان باين عليه بيلمح لحاجه وقولت
تقصد أيه!!
أسميته_تميم
هند_إيهاب
التامن
ابتسمت وقولت
ممكن حاجه علي ذوقك
هز راسه وشاور للويتر طلب أتنين بيتزا بالفراخ وعصير
لو لؤي طلق دعاء هتعملي أيه!!
هزيت كتافي وقولت
ولا حاجه هما الأتنين مكنش ينفعوا لبعض هي قربت منه عشان تملي فراغها عشان تكمل أي حاجه ناقصه في حياتها أما هو فا مالهوش أمان الراجل اللي يسيب واحده عشان واحده تانيه يبقى مالهوش أمان ويتخاف منه
طب هو لو حب يرجعلك!!
هزيت راسي وقولت
مستحيل أنا في بعد لؤي عني خلاني أشوف الصوره بشكل أوضح حتي هو مكنش ينفعني أنا كمان
الأكل نزل وقولت
وبعدين خلاص بقى أنا مش عايزه أتكلم عنه عايزه أنسي
شاور علي عيونه وقال
عيوني هنسيهولك
طلعت شريحه من البيتزا وقطمت أول قطمه وقولت
چوسي أوي
مكملتش كلمتي وعيوني جت علي الرمله بالصدفه لقيت لؤي نازل في دعاء ضړب سيبت القطعه بخضه وقولت
بص في أتجاه ما ببص وبعديها قومنا بستعجال رهيب تميم حط الفلوس علي التربيزه وجرينا من المكان كان بيضرب فيها بغل وهي كانت عمال تزق فيه وټعيط فضلنا نجري لحد ما وصلنا عندهم تميم زق لؤي بعيد عنها وأنا شديت دعاء من علي الأرض وبعدتها
أيه الجنان اللي بتعمله ده يا لؤي
بعصبيه عامياه قال
أنت مش شايفاني راجل!!
بقى أسمع يا لؤي أنا الطريقه دي مبحبهاش نهائي
جرا أيه يا سي تميم جرا أيه يا حبيب عامل فيها رومانسي أوي فضلت تمثل الرومانسيه لحد ما خليتها تشوفني قد أيه وحش
خلي بالك من كلامك يا لؤي أنا مش بمثل علي حد أنا بقولك الصح مينفعش تمد أيديك عليها أبدا
بعصبيه أكتر قال
لما تبقي في بيتك وهي وافقت علي الأهانه دي تبقى تعمل اللي أنت عايزو ساعتها أنما طول ماهي مش سامحه بالموضوع ده أياك تفكر تمد أيديك عليها صدقني هتخسر كتير أوي
بدموع قالت
أنا مش عايزه أكمل معاك
ضحك وقال
مش بمزاجك مفكراني مش عارف أنت مش عايزه تكملي ليه!! أنا لولاي مكنش في حد عبرك
بص لي وسكت سكت وكأنه عايز يقول كلام كتير أوي لي وكأنه الكلام لسه مخلصش.
بصيت علي تميم وقال
أنا لو علي يا دعاء عايز أطلقك بس هل لو أنا طلقتك هترجع كل حاجه زي ما كانت
كان بيبص لي كنت عارفه أنه يقصدني بكلامه وجهت كلامي لتميم وقولت
يلا بينا أحنا يا تميم
هز راسه ومشيت وهو مشي وراي حاسه أن وجود لؤي في المكان مضيق لي نفسي بطريقه وحشه أوي مبقتش حابه وجوده حوالي مبقتش حابه أشوفه.
فضلنا نتمشي لحد ما قولت
أنا طالعه الأوضه
هز راسه بهدوء وسيبته ومشيت دخلت الأوضه ورميت نفسي علي السرير ربعت أيدي ورا دماغي وبقيت بصه للسقف يا تري معاملة تميم الحقيقه زي لؤي ولا هي دي طبيعته يا تري بيعمل كده عشان اللعبه ولا أيه
