رواية اسميته تميم مكتملة لجميع فصول بقلم هند إيهاب

وقال
اتأخرتوا ليه
الطريق كان زحمه
هز راسه وقال
تحبوا تطلبوا أيه أنا عارف طلب هند
بصيت له وعقدت حواجبي بستغراب وقال
القهوه الساده طبعا
ابتسمت بسخريه وقولت
أعتقد أني بطلتها من زمان من وقت ما شوفت تميم أصل أنا لما كنت بشربها ساده كنت بستني اللي يحليهالي بوجوده جمبي
رفع حاجبه بضيق وقال
قصدك أيه!!
طلبي قهوه تكون مظبوط
سكت ولقيت تميم بيمسك أيدي من تحت التربيزه وكأنه بيهديني وشاور للويتر وقالوا الطلبات.
بس مش غريبه دي يا تميم أول مره ترتبط ومنعرفش أنك مرتبط
بصلي وقال بستفزاز
أصل تميم بيحب يغير البنات علي طول
رفعت حاجبي وابتسمت وقولت

فعلا!! مش كل البنات تنفع تبقى زي هند يا أستاذ لؤي وأنا عارفه قيمة نفسي كويس وتميم راجل ميعملهاش معاي
قربت من التربيزه بتحدي وقولت وأنا بشاور علي صحبتي بعيوني 
يمكن يعملها مع دعاء يعملها مع أي واحده أنما أنا لاء
قرب من التربيزه وقال بستفزاز
طب ما أنا عملتها معاكي
ابتسمت ورجعت سندت ضهري علي الكرسي وبصيت لتميم وقولت
ما أنا قولتلك يا أستاذ لؤي تميم راجل
اتعصب وضړب أيديه علي التربيزه وقال
أنت قصدك أيه!!
بثبات أنفعالي قال
أيديك متخبطش التربيزه تاني وأحما قاعدين
رفع حاجبه وكمل وقال
جرا أيه يا لؤي أنت هتخيب!!
يعني أنت مش سامعها!!
طب وهو وأنت مش سامع نفسك بتقول أيه أنا كل ده قاعد وباقي علي العيش والملح اللي ما بينا ومش عايز أضايقك بكلامي بس صدقني هتدوس لها علي طرف ساعتها هدوس عليك
ابتسمت بهدوء حاسه أني حقي عمال يتجاب حتي لو حكايتنا لعبه فا أنا مش عايزه اللعبه دي تخلص.
بصيت له وقولت لنفسي
حقيقي مش عايزاها تخلص
دعاء أتكلمت وقالت
لؤي ميقصدش يا تميم وعيب لما تخسروا بعض عشان واحده
دي لو أي واحده أنما هند أخسر أي حد عشانها
قام وقف ومدلي أيديه وقال
يلا بينا يا هند
مسكت أيديه وقومت معاه في هدوء طلعنا من الكافيه وقولت
أنا أسفه أنا عارفه أن أنا السبب من الأول مكنش ينفع أدخلك حاجه زي دي وعارفه أن ممكن كده تخسره
بص لي وقال
ملكيش ذنب أنا اللي وافقت وطالما وافقت علي حاجه متحمليش نفسك ذنب
أنا همشي وأتمني تمسح رقمي وأتمني متخسروش بعض بسببي
أنت رايحه فين!! والقهوه المظبوطه اللي بقيت بحليهالك أيه نظامها!!
كنت مدياله ضهري وڠصب عني ضحكت وقال
بصيلي
لفيت نفسي وقال
مش هينفع نقفلها لحد كده سيبك من لؤي يوم ولا يومين وهنتصالح وهنرجع نتكلم عادي
وأخرة اللعبه دي أيه بس
قعدت علي الرصيف بضيق وقولت
حاسه أني مش قدها أنا داخله لعبه مش عارفه هتخلص علي أيه ومش عارفه أنا ليه عملت كده
قعد جمبي وقال
أديكي قولتي لعبه أدينا بنلعب وعلي العموم متفكريش في حاجه وسبيها تمشي زي ما تمشي
بصيت له وقولت
هو أنت ليه بتساعدني مع أنه صاحبك
وهو المفروض لما صاحبي يغلط أسقف له!!
سكت وقام وقال
يلا بينا نروح نشرب
حاجه في كافيه تاني بدل النكد اللي حصل ده
قومت معاه ومشينا مشينا وأنا جوايا مليون سؤال ليه بس هسأله أزاي وأنا مش من حقي أسأل.
أسميته_تميم
هند_إيهاب
الرابع
كنا قاعدين في كافيه هادي طلبنا أتنين قهوه من الويتر الكافيه مكنش زحمه أغاني هاديه في المكان ودي حاجه مريحه جدا للأعصاب.
مش حابه تسألي عن أي حاجه
قال سؤاله ولقينا الويتر قرب بالقهوه خدت بق من الفنجان بعد ما مشي وقولت
حاجه!! حاجه زي أيه!!
بعد عيونه عن عيوني بأحراج وأبتسامه خفيفه وقال
يعني أي حاجه لؤي قال عليها النهارده
بصيت له بستغراب وقال
أنا مبغيرش بنات زي ما أتقال أنا يمكن أرتبط مرتين بس مكنش بيحصل نصيب
بصيت علي أيدي من تحت التربيزه وحمحمت وقولت
عارفه أنه بيقول كده عشان يضايقني مفكر أننا مرتبطين بجد بس عادي مهو أنا أرتبط مره وطلع ندل
ابتسم وقولت
بس ليه بتقولي كده!!
بص لي وعيونه كانت مخترقه عيوني حرفيا وقال
عشان حسيت أنك عايزه تسألي
كنت بفرك في أيدي جامد لدرجة أن أيدي أحمرت من كتر الفرك بعدت عيوني عنه وقولت
هو أحنا هنفضل في اللعبه دي لحد أمتي!!
كان بياخد بق من الفنجان رفع حاجبه وقال
عايزاها تخلص!!
سكت وقال
بكلمه واحده بس أننا خلاص سيبنا بعض بس ساعتها بقى هيشمتوا فيكي
اتنهدت وقال
زهقتي!! ممكن نبطل نتجمع معاهم نختفي أو مظهركيش في وجودهم وبكده نبقي نهينا اللعبه
لاء مزهقتش ومش عايزه أختفي بالعكس أنا عايزه أفضل أظهر قدامهم دايما معاك
ابتسم بهدوء وسكت فضلنا قاعدين وقت طويل شويه وبعدين قومنا وصلني لحد البيت.
فتحت التليفون ونزلت أستوري بصوره ليه كنت مصوراه من غير مياخد باله وكتبت تحت الصوره.
وجودك شئ مكملني لأني لوحدي مش هقدر
أعتقد أنه هيفهم أني نزلتها من ضمن اللعبه بس مش عارفه ليه حاسه أن الجمله بجد وتنطبق عليه
دعاء شافتها وقالت
أتمني متكونوش زعلانين من حاجه
عادي محصلش حاجه
عامة لؤي هيكلم تميم ويراضيه
لو تميم أتراضا يبقى تمام
طلعت من المحادثه ولقيت تميم بيكلمني
أيه رأيك في رحله لأسكندريه!!
فجأه كدا!!
رن علي وقال
لؤي كلمني وعرض علي بس لو مش عايزه عادي
سكت وبعدين قولت
أمتي!!
يوم الجمعه يعني كمان يومين
هنطلع أحنا الأربعه يعني!!
آه
طب كويس هنقضي رحله حلوه
بحماس قال
يعني أحجز!!
ابتسمت وقولت
آه أحجز
ماشي يا ستي هحجز بكرا أربع أيام أربع أيام زي العسل
أسميته_تميم 
بقلم هند_إيهاب
الخامس
كنت متوتره جدا وفي نفس الوقت الحماس أخدني لفوق رتبت شنطتي علي حسب الأربع أيام حطيت فيها كل اللي ممكن أحتاجه هناك
قفلت الشنطه وحطيتها علي جمب جات لي مسدچ منه
نص ساعه وهكون عندك
قومت خدت دش بارد علي السريع طلعت دريس خفيف جدا ومريح عملت نيسكافيه وحطيته في المج الحراري.
أنا تحت
مسكت الشنطه وفي أيدي التانيه النيسكافيه ونزلت نزل من العربيه أول ما شافني وجري خد مني الشنطه وحطها في العربيه.
ابتسمت بعد ما فتح لي الباب وقال
رحله سعيده علينا
أتمني تبقي سعيده
شغل العربيه ومشينا خدت بق من النيسكافيه ومديت له أيديه عشان يشرب.
وصلنا للموقف وكانوا واقفين مستنيينا نزلنا وسلمنا وبعدين طلعنا الأتوبيس.
مكنتش حابه أني أركب جمبها مع أنها كانت أقرب شخص لي الا أنها أذتني نفسيا ومستحيل أرجع أقرب لها من تاني ولا أأمنها علي حاجه.
تميم لاحظ أني هضايق من قعدتها جمبي فأتحجج وقعد جمبي قعدت جمب الشباك ولقيته نزل.
استغربت بس لقيته أختفي من المكان كنت خاېفه الأتوبيس يتحرك وهو مش موجود.
فضلت قاعده علي أعصابي وكان فعلا
الأتوبيس أتحرك بس وقف تاني ولقيته طالع.
اتنهدت براحه ولقيته قرب وقعد وفي أيديه شنطه كبيره جدا مليانه حاجات حلوه.
فتحت الشنطه بفرحه طفله لقيت دعاء بصيت لنا بضيق وبعديها بصت علي لؤي اللي مش مهتم بأي حاجه.
طلعت كيكه وعصير من مزارع دينا بطعم الشيكولاته بقيت بناكل أنا وهو سوا كان يفتح والاقيه بيأكلني وأنا كذلك.
كنا مخلصين الحاجه وقاعدين حاطين الهاند فري كنت أخده فرده وهو كان أخد التانيه كنا بنسمع أغنيه لرامي صبري
وهانت بكره أنا راجع وآه دلوقتي لو سامع بحبك نفسي أقولهالك وأنا أيدي في أيديك
كنت سانده ضهري علي الكرسي ومغمضه عيني محسيتش بنفسي غير وهو بيصحيني عشان وصلنا كنت نايمه علي كتفه كان وشه قريب جدا من وشي قومت بسرعه من علي كتفه.
ياااه أنا أزاي نمت
ابتسم وقال
محبتش أصحيكي غير لما نوصل قولت أسيبك تنامي شويه
ملكش حق كان لازم تصحيني يعني أكيد مكنتش مرتاح
أبدا ده أنا عمري ما كنت مرتاح قد المره