أشواك الورد بقلم ميفو السلطان

خاېف لتروحي منيه.. والله يا بتي ولدي بيعشجكك عشج ماشفت زيه.. عزيز جوي وعفي وواعر.. بس كان جاعد كيف الجطه اللي مستنيه حبيبها يرجعلها.. كان نفسه رايح من البكي يا بتي..عزيز ولدي يبكي دي حاجه عمرها ما حوصلت واصل.. خابره انه جال كل العفش اللي في الدنيا.. وعمل فيكي كتير.. بس الراجل كان مش في وعيه.. كان ڠصب عنه يا بتي.. اني خابره زين انك عاجله واللي حوصل صعب بس عزيز بيحبك والجهر مكلبش فيه من اللي عمله.. وانت يا بتي هتجيبي عيل شفتي ربك.. يعني يوضربك كل الضړب ده ويطلع روحك والعيل مايروحش ولا ينزلش.. عشان ربك عايز اكده عايز انكو تتربطو ببعض.. يا بتي الصعيدي لما يهيج مابيشوفش ولا يجعد له عجله.. عجله بيروح ويتحول مابيتفاهمش واصل.. والسم اللي دسته بت زينات كان واعر جوي ومنظرك يا بتي كان صعب.. وكتر خيرها بدور بت كيف الجبل استحملت كتير كانت كيف المجنو نه ووجفت لعزيز كان ناجص تضروبه لحد ما الكل وعي للمصېبه اللي بت زينات عملتها عزيز كان هيجتلها عشانك يا بتي.. يبجي نتعافي اكده ونتهملو شويه وتحاولي يا بتي تليني من ناحيه جوزك.. مش عشان انا امه والله بجول اكده.. لاه عشان حاسه انك متل بتي.. حاسه انك ماشفتيش حنيه يا بتي.. ډخلتي جلبي من يوم ما رجلك حطت في الدار وكنت بخبي بس لاه دلوك انت بتي واكتر.. انت كيف النسمه تدخلي الجلب يا ورد.. وعزيز بيعشجك وانا امه اول مره اشوفه اكده.. عزيز مش راجل عادي.. عزيز كبير وجاسي وعنده جبروت لما اشوفه محڼي يبكي متل المره وهاين عليه يبوس يدك لاه اجول ان ولدي بيحب ويعشج واجولك اوعي تبعدي ماهتلاجيش حد يعشجك اكده.. انا لما شفتك اتمنيتك لولدي واتمنيتك تكوني ست الدار دي.. مرت عزيز الكبير اللي جاي.. حبيبتي.. اصحك الشيطان ياخدك بعيد.. اه موجوعه وتعبانه ازعلي بس اياكي تبعدي.. خدي وجتك كله.. ان شالله تطلعي روح ولدي بس ماتبعديش يا بتي.. اللي يلاجي الحب ده يمسكه ويجفش فيه.. ربنا يهديكي يا بتي والله جدك عابد ما خللهوش وضربه تخيلي لما عزيز ينضرب بالجلم جدام الكل.. وخدلك حجك تالت ومتلت.. عايزه حجك من جوزك يبقي بينك وبينه.. طلعي روحه كيف ما بدك بس في الاخر مرته وحبيبته وام عيله اللي جاي.. دانتي هتجبلنا نواره البيت.. عايزاكي تملي الدار عيال وتفرحي بيهم واصبري علي وجعك يا بتي
هتلاجي ربك بيطبب وبيعالج.. انا راحه دلوك والوكل ده يتاكل.. ومن هنا ورايح كيف مانا ام عزيز انا امك يا بتي.. احتضنتها بقوه لتحس ورد بالراحه في احضانها فهيا في حياتها لم يحن عليها احد..
خرجت سعيده وظلت ورد مع نفسها.. كل ده حوصل..جدي عابد ضړب عزيز.. يا مري.. عزيز ينضرب جدام الناس ويسكت.. وكان بيبكي عليا جدام الخلج .. كيف ده.. هو بيحبني جوي اكده.... تدخل عقلها.. انت اتجنيتي تنضربي وتتعابي منه وبتجولي بيحبك.. انا اه لما دخل كنت في حضڼ ولد المحروج ده وبدور راحت وكنت مستسلمه من خنجه فيا ما حسيتش وبان اني حضناه هو يشوفها اكده صوح بس كان سمعلي طيب.. كان استني اما انطوج مش ينزل فيا عجن اكده كيف الكلبه... يعني هو عنده حج يشوفها شينه وعيبه مرته في حته مجطوعه مع راجل بس اني مظلومه مش ذنبي يعمل فيا اكده. دا جال العفش كله ما سابش كلمه عيبه الا اما جالها.. جلبي موجوع جوي.. واخرتها اعرف انه بيحبني ورايدني عشان اتوجع اكتر.. طب اعمل ايه دلوك مش طايجه اشوفه.. بس بحبه وبعشجه كيف مابيعشجني واكتر. هنكمل اكده ازاي.. والعيل ده مانزلش كيف دانا خدت ضړب ماحدش خده.. سبحانك يا ربي.. سيبتلي عيل ربطتني بيه.. لتهدأ قليلا.. هو انت يا ورد حتي من غير العيل كنت هتجدري تبعدي.. دانت روحك في عزيز.. بس لاه اني كرامتي فوج كل اعتبار لاه يا عزيز مش تعمل اكده وتيجي تجولي هنبقي زين ونجعد نحب في بعضينا اتجنيت اياك.. مش انا ورد المعيوبه خلاص اكده كمل علي اكده وروح لحالك.. يا ربي ايه الۏجع ده بحب واحد ونفسي اخنجه بيدي من اللي عمله فيا..
مر الوقت ليدخل عزيز وجدها جالسه ساهمه ووجهها يتحول ما بين اللين والڠضب ابتسم علي حبيبته الجميله وجد الصينيه لم تاكل منها شئ .ياخذ الصينيه واقترب منها وجلس بقرربها لتنتفض. اغمض عينيه بۏجع.. هو انا كل اما هجرب هتتنفضي اكده يا بت الناس.. اعمل ايه عاد.. يا رب ارحمني كت عملت ايه في دنيتي.. تنهد وصمت قليلا ثم ابتسم بصبر.. ناكل الوكل كله عشان انت لازمن تتغذي ما عتيش لوحدك بعد اكده يا جلبي.. لم ترد عليه ولم تنظر اليه....تنهد.... اني عارف ماهترديش وهيبجي مرار طافح بس مفيش في يدي حاجه اعملها.. يلا حبيبتي كلي الوكل ما فيهوش زعل عاد.. ذنبه ايه العيل في زعلك ده.. انت زعلانه مني ولدك ماله بيا.. يلا يا روح عزيز هوكلك بيدي اهه ..نظرت اليه پغضب ...
ضحك ....طب خلاص خلاص اهوه جدامك ما همدش يدي هجعد كيف العيل الصغير مستني حبيب جلبي اما يحن عليا.. تنهدت وشرعت تاكل بهدوء وهو يتفرس فيها حالما.. كان عجلك فين بس ساعه ما عملت فيها اكده اديك هتطبش في الحيط وما هتلاجي اللي يغيتك.. تنهد وظل يتاملها.. لتنتهي لياخذ الصينيه ويبتعد ويجلب لها الدواء اخذته منه.
قال.. مش عايزه تخرجي بره شويه اشيلك اخرجك بره نظرت اليه مره اخري پغضب.. هتف... طب ايه
عاد هنتخرس طب ما تجولي ما عايزاش اخرج يا زفت طيب جولي اي حاجه وانا ماهتنيلش انطوج.. نامت وشدت الغطا عليها وتعطيه ضهرها ولا تتحرك.. 
هز راسه.. عارف ان الغلب كلاته جاي هيحط فوج راسي.. و هيا قلبها ياكلها ما بين ڠضبها وۏجعها وبين حبها وعشقها له..
ظل يراقبها بحب وهمس ....اسف
والله اسف..
اعمل ايه اموت حالي موجوع والله علي عملته فيكي.. مد يده يتللمس شعرها لتننتفض وتجلس وتنظر اليه پغضب.. تنهد... طب خلاص عاد ما هتنيلش انطج ماني ساكت اهوه ظل ينظر اليها لتددفعه بعيدا عن السرير پعنف 
ابتعد يقف ممتثلا لها بغلب.. طب اجعد جارك طيب مش هنطج والله بس اجعد... تنهد ...يعني هفضل واجف ابص عليكي اكده والله موجوع يا بت الناس موجفاني كيف العيل الصغير جدامك ماجادرش اتحرك.. دا مرار ده.. نظرت اليه پغضب ليهتف... طب

اجعد والله ما هنطج هبص عليكي بس واجف محصور اكده.. استاهل عارف عارف والله استحج الحرج بس اعمل ايه طيب يا بت الناس والله بعشجك.. طب جولي اي حاجه اشتميني طيب احدفي فيا اي حاجه ما تسكتيش اكده جلبي بيتمزع بالله عليكي.. طب هتكتمي جواتك غلط اكده عليكي العيل غلط برضك.. لتستغفر ربها ..هتف.... والله خاېف عليكي يا جلبي بصي هجعد ما هنطجش.. اجعد بس والله هراعيكي بس.. طب ابص بس عليكي ھموت محصور اكده.. 
شدت الغطا پعنف تغطي نفسها وتنام وتغمض عينها.. تنهد.. اه يا جلبي هتطيني عيشتي عارف وخابر مرار هعيش مرار ماني اتخلجت عشان اطبش واتمرغ فيه.. انا ماشفتش يوم فرح اصلا هشوفه ليه اني مش وش نعمه من اساسه وانا هتطلعي روحي خابر بس ما هنطجش.. هم يا عزيز وغور روح كول حالك في حته تانيه وتركها وذهب مقهورا لرفضها ان تنظر اليه.. 
مرت الايام وبدات ورد تتعافي وهو لا يتركها لحظه ويسهر علي راحتها وهيا لاتنظر اليه ولا تكلمه وهو قد انشق قلبه من بعدها..كانت لا تتركه يقربها ولا يجلس بجوارها كان يجلس بعيدا او يقف كانت لا تدعه ينام بجوارها وتدفعه اذا لمس السرير پغضب كان يعيش قهر ليس له مثيل.. ولكنه في الليل ياخذها بعد ان تنام في احضضانه يشبع قلبه المللتهب من بعدها كان يعلم ان الطريق امامه صعب وطويل ولكن ليس امامه الا الصبر لتعود اليه حبيبته..
كانت هيا قد مر اسبوعين وتعافت تماما لتقوم وتلبس وتدخل عليها سعيده وتقول.. والله نورتي ووشك رجع كيف البدر يا بتي بس هتفضلي حابسه نفسك اكده ايه رايك تروحي عند اسطبل الخيل شويه انت بتحبي اكده..
هتفت ورد.. عايزه اشوف خضره وبراح هنزل اقف جنب الزرع شويه هجعد جنب البيت ما هبعدش..
سمعت عزيز.. الجمر فاج اخيرا وعايز ينزل...
هتفت سعيده.. اه بجت منيحه وهتنزل جنب الزرع تجعد شويه..
هتف... زرع ايه بس يا امه اللي هتجف جنبه روحي وانا هتصرف.. لتبتسم سعيده وتقبل ورد وتخرج.. اقترب منها.... جلبي عايز يجعد جنب الزرع.. 
نظرت اليه پغضب وبعدت عنه مسكها من يدها وشددها اليه لتشتتعل ڠضبا وتنظر اليه وتصرخ. بعد يدك دي..
ضحك عاليا وابتسم.. اخيرا يا جلبي اسبوعين بحالهم مرار ماشفت عيونك الحلوه ولا سمعت حسك واصل..
قالت پغضب ...بجولك بعد مالكش صالح بيا انت ايه ده..
شددد عليها... ماليش صالح ازاي دانت كلك ليا يا جلبي.. واديني اهوه صابر وساكت انما ابعد دي ماعرفش اعملها واصل..
ظلت تتململ بين يديه وهو يضحك لتددفعه بعيدا ....بعد بجولك بعد.. عايز ايه دلوك مش اني الخاطيه مش اني اللي اتبليت بيها مش اني اللي ضحكت عليك كيف النسوان المعيوبه.. يدك دي ماتلمسش طرفي يابن الجبالي. يدك دي ما هتحطها علي طرف رجلي.. بعد بعد وروح هاتلك واحده ما بتتحضنش في المخازن.. اني بكرهك وبكره عيشتك وايامك كلها ما شفتش يوم فرح...
احس بانشقاق
في قلبه. طب بتحاسبييني علي ايه طيب ماكتش واعي.. والله كت في مرار.. اني بعشجك والله بعشجك يا ورد اعمل ايه جولي هعمله.. والله لو جطعتيني ما هنطج.. اني بعشجك ھموت محصور وربنا.. .
صړخت.... محروج ابو ده عشج يا اخي انت ايه دعكت وشي من يوم ماتجوزتك عيبه وسب وجاي تجول عشج. لاه مش ورد اني مش عايزاك واصل ولا عايزه ابص في وشك من اساسه بعد عني بالمشوار..
اقترب يشددها اليه ..... بعد مش هبعد انا اموت ما اجدرش.. اني شفتك في حضضن راجل ولا جتلتكيش.. انت واعيه لده.. انت حاسه اني كت في ايه ماجتلتكيش عشان بعشجك لبست حالي عار عشان بعشجك.. لتدمع عيناه الله في سماه بعشجك.. 
كانت تنظر اليه پقهر فهيا تحبه وفوق الحب عشق.. كانت تراه ېتمزق ولكنها موجوعه لتحس بۏجع عليه فهو معزور فيما راي وكلمات جميله سمم عقله لتستدير حتي لا تحن له .
اقترب يشددها ...والله بحبك وغلطت