ابن ليل بقلم اميره اسامه
مش بتحصل بس عبدالله ودعاء بيحبوا بعض وبكر ومها بيحبوا بعض انا مبنحبش كرم مش قادره نشوفه غير اخويا مش عشان هما حبوا بعض يبقي إجبار عليا يا امي نحبوا كرم
نبيله ويعيبه ايه كرم يابت انتي تطولي ايش حال ان مكنتيش ماشيه وراء دماغه في كل حاجه
دره ياستي كرم احسن راجل في الدنيا وميعيبوش اي حاجه ونقولك كمان منطولش يا ستي نتجوزه هو يستاهل ست البنات بس انا مننفعلوش يا امي قلبي مش معاه يمكن زي ما قولتي كنت ماشيه وراء دماغه بس ده في الحياه والتفكير عموما
بس منقدرش نحبه ياما منقدرش لو كرم كويس وفي كل المميزات في غيره كمان كويسين بس المهم قلبي مع مين
نبيله انتي مش عارفه مصلحتك
نبيله خلصتي رغي انسي بقى كل اللي قولتيه ده ويكون في علمك لو عرفت انك شوفتي الولا ده ولا اتكلمتي معاه واللي خلقني وخلقك يادره هنقلب عليكي الدنيا اللي زيك يحمد ربنا ربنا رزقك براجل ميتعيبش
نبيله فشرررر بت نبيله ست البنات
دره طيب امال ايه يا امي يا امي يوسف بيحبني وانا واثقه هو حد محترم واهله ناس محترمه جدا وليهم اسمهم يوسف عايز يجي يتقدملي بس انا اللي بنمنعه يا امي ده هيتجنن من وقت ما عرف انكم لبستوني دبله كرم ڠصب عني
دره مقااااالش ودين محمد ما قال كل اللي قاله انه مش هيسيبني وهيفضل جنبي ومش هيسكت غير لما يقنعكم اديله انتي بس فرصه واقفي معايا
نبيله انا اللي عندي قولته يا دره كرم سيد الرجاله ارضي بنصيبك ومتتبطريش
عشان البطران اخرته قطران
دره ماشي يا امي اللي تشوفيه بس عايزه نقولك حاجه انتي مش عايزه تقفي معايا مش عشان بس كرم راجل مناسب ليا بس انتي مش هاين عليكي تواجهي كرم احسن تخسريه عادي تخسريني انا بس كرم لا ميصحش ده الغالي ابنك اللي مخلفتهوش مش كده يا اما
نبيله مكنتش عايزه نخسرك يا دره بس كنت عارفه انه اكتر حد هيصونك كنت شايفه حبه اللي انتي معرفتيش تشوفيه كنت مطمنه عليكي معاه اااااااه يا دره
الليله دي كانت كلها ۏجع وتقليب في ذكريات الماضي
عبدالله سرح
دره يا عبدالله انا صارحتك باللي في قلبي عشان انت هتفهمني اكتر من امك
عبدالله تعرفيه من امته وايه اللي بينكم وازاي يابت تتجرأي تعملي كده انتي ناسيه انك مخطوبه انتي ايه اللي جرالك
دره يا عبدالله و عهد الله عرفته قبل ما نتخطب لكرم من اول ما دخلت سنه اولي هو اكبر مني بسنتين وكنت بنشوفه وانا خارجه من الدرس كان بيبقي هو داخل والله يا عبدالله ما عرفته على كرم ولا نقدروا نعملها
عبدالله امال انتي بتعملي ايه الوقت يا دره ما انتي مخطوبه ولسه بتكلميه
دره عشان بنحبه عشان كرم انتوا اللي فرضتوا على حياتي مش العكس يا عبدالله انا بنحب كرم وبنحبه اوي كمان
بس زي اخويا مش قادره نشوفه غير كده وبعدين انت المفروض تفهمني ومتقساش عليا زي امي يا عبدالله ده انت حتي بتحب وعارف يعني ايه حب
عبدالله وانتي عايزه تقنعيني انك مبتحبيش كرم امال نظارتك وابتساماتك كل ده راح فين وفرحتك بدبلته وانتي بتلبسيها راح فين
دره بنحبه زي اخويا قولتلك منقدرش نكشروا في وشه ولا نصده لانه عمره ما كان وحش معايا فرحتي مكانتش فرحه بس مكنتش نقدر نتكلم وقتها وانا قايله لامك من الاول ومن قبل ما نلبس الدبله بس خوفتني منك انت وابويا يا عبدالله عشان كده سكت وقولت مش هنبطلوا نقنعوها بس لما ملاقتش حل قولت نجيلك ويحصل اللي يحصل انت عمرك ما هتأذيني يا اخويا بس لازم تعرف حاجه مهمه كرم كمان مبيحبنيش يا اخويا انا بالنسباله زي مها بس هو غيري مفيش حاجه في حياته غير دراسته والطب وحلمه انه يكون دكتور فا عادي بقي يتجوز دره يتجوز غيرها مش هتفرق
لكن انا غيره يا عبدالله انا بنحب وقلبي مع حد تاني
عبدالله كرم مش بيحبك ليه البعيده مبتشوفش ده بيعشق التراب اللي بتمشي عليه
دره مين اللي قااااال انتوا بس عشان بتحبوا مش قادرين تشوفوا غير الحدوته دي لا انا بحبه ولا هو بيحبني احنا اخوات بس كرم مس هيقدر يقول كده لاني قولتلك مش فارق معاه انا بالنسباله هبقي شريكه حياه مناسبه لكن انا لا
عبدالله بصي يا دره انا عشان بنحبك وانتي عارفه انتي بالنسبالي ايه هنعتبر روحي مسمعتش واعملي حسابك
اي مشوار هتروحي او تيجي منه انا هنبقي معاكي ورجلي علي رجلك مفهوم
دره وانا مش هنبطل كلام يا عبدالله وهنفضلوا وراك انت وامي ولو حكمت هندخل ابويا ونحكيله
رجع عبدالله من ذكرياته وهو باصص للسقف وخارجه منه تنهيده حزن
عبدالله يارتنا كنا خدنا كلامك بجد يا دره لا كنتي انتي اتوجعتي ولا وجعت صاحب عمري و خسرته
اما عند نجوى الوضع مكانش يختلف كتير عندها هي كمان كانت ڠرقانه في ذكرايتها و كأن رجوع دره صحي جواهم الماضي من جديد
نجوى يعني ايه يا دره يكونش الولا كرم زعلك عشان كده جايه تقولي الكلام ده
دره ابدا والله يا نوجا ده كرم ده طيب وغلبان ومحترم و انتي عارفه انه غالي عندي
نجوى غالي عندك يعني بتحبيه ولا ايه
دره افهميني يا نوجا بنحبه مش هننكر بس زي عبدالله مش عارفه نحبه حب ست لراجل ولا كرم كمان بيحبني
نجوى مين قالك يادره كرم بيحبك ولو مكانش رايدك مكانش وافق
دره وافق عشان اصلا مفيش حد في حياته كل تركيزه على دراسته وبس انا بقى ولا غيري مش هتفرق ويمكن كمان مقدرش يقول لا لابوه او اتكسف من امي وعبدالله وابويا
نجوى اللي نعرفوا يا دره ان أه كرم طيب و طوع ومحترم بس كمان لو هو مش عايز يعمل اي حاجه مبيعملش هو لو مش بيحبك مش هيوافق حتي لو
زي ما بتقولي قلبه خالي
دره يمكن انتي صح بس صدقيني انا اللي في حياه كرم الوقت واقدر احس هو مبسوط او لا كرم عادي يا نوجا لا مبسوط ولا مهتم صدقيني يا نوجا انا مش هنقدر
نجوى طيب انتي عايزه ايه يا دره
دره عيزاكي تتكلمي مع امي
نجوى ماشي هنتكلموا معاها بس كمان قبل ما الموضوع يدخل في الجد عيزاكي تستخيري ربنا يابت انا متمناش غيرك لكرم بس زي ما يهمني راحته يهمني راحتك عشان ده جواز و عمر بحاله هتبقوا مع بعض ومينفعش يبقى في بينكم مشاكل
دره ربنا يخليكي ليا يا نوجا ياريت ماما تقدر تسمعني زي ما سمعتيني
نبيله يعني ايه مش فاهمه
نجوى اللي سمعتيه البت جاتلي امبارح و بتتحايل عليا نتكلموا معاكي
نبيله شوف البت يعني بعد ما قالتلي كلامها الخايب ده وقولنالها تقفل عليه تيجي ببجاحتها وتروح لامه وتقولها
نجوى جرالك ايه يا نبيله ومن امته احنا بنفرقوا بينهم زي ما كرم ابنك دره بنتي واوعي تفتكري اني زعلت منها عشان جات قالتلي كده دره لو مش بتحبني وبتعتبرني زيك بالظبط مكانتش جات
نبيله مش قصدي يا نجوى بس منعرفش ايه اللي جرا للبت دي دول اكيد خدوا عين
نجوى طيب مش يمكن البت مش بتحبه يا نبيله معقول هنغصبوا عليها
نبيله انتي بيخيل عليكي محڼ البنات ده يا نجوى ولما هي يا اختي مش بتحبه لبست دبلته و أتخطبتله ليه هي من زمان وهي عارفه انها مكتوبه على اسمه وبعدين ما هي كانت مبسوطه وعلى طول يا أختي نشوفوها هي وهو بيتودودو مع بعض و أول ما يشوفوا ابوها يسكتوا قال اخوها قال تلاقيه زعلها فا قلبت عليه
نجوى والنبي قولتلها كده شكله زعلك قالت لا كرم طيب ومبيزعلنيش فضلت نتكلم معاها ونقولها استخيري ربنا والولا بيحبك بس هي على كلمه واحده كرم زي اخويا
نبيله مش بنقولك مش عارفه مصلحتها انا مرضتش نقولك الا تزعلي وتاخدي على كلامها بس عشان نعرفك ان هي بتقول كلام مش واعيه ليه البت جايه تقولي انا بنحب غيره بقالي كتير
نجوى احيه
نبيله هي بتحاول تقول اي حاجه لما هي بتحب بقالها كتير جايه تقول بعد ما اتخطبت بشهر مش بنقولك كهن بنات
عموما سيبك منها بكره يا اختي يتصالحوا
نجوى هو يقدر قال يزعلها قال طب ده انا كنت نكرشوا ده كله الا دره
نبيله افضلي يا اختي دلعي فيها هي والخايبه التانيه
نجوى بنحب خلفه البنات يا نبيله ومنقدرش نشوفهم زعلانين
نبيله بكره لما تشوفيهم في بيت واحد تعرفي وتبقي تسمعي كلامي وبعدين دي كلها على بعضها كام سنه يعني متعرفش مصلحتها
نجوى على قولك لسه ميعرفوش مصلحتهم
فاقت نجوى بۏجع
نجوى احنا اللي مكناش عارفين مصلحتهم يا نبيله
فضل الماضي ينهش في عقولهم وقلوبهم كانت ليله صعبه على الكل
وخاصتا دره وكرم
لا كانت عارفه تنام من ۏجعها على كرم واللي عرفته عنه ولا عارفه تنام من ۏجعها علي نفسها وحرمانها كل السنين دي من اهلها مش عارفه مين فيهم اللي ظالم ومين المظلوم لكن كل اللي قدرت توصله ان في بني ادم اتظلم زيها واكتر منها كمان وعاش حياته وحيد
حسن يعني ايه دره مكانتش بتحب كرم
دعاء للاسف دي الحقيقه اللي خبتها عنك يا حسن كل مره كنت بتسألني كنت بنقولك اي حاجه او كنا بنتهربوا
بس خلاص مبقاش في لزوم للهروب دره رجعت و هتفضل هنا يعني مفيش اي داعي
حسن طيب وكرم كان عارف حاجه زي دي
دعاء لأ كرم كان فاكر ان دره بتحبه بس دره
