ابن ليل بقلم اميره اسامه

عشان سماح جايه تقعد معانا
دره ماشي يا حبيبتي اطلعوا ومتنسوش تضايفوها 
دانه متقلقيش احنا بقينا اسكندرانيه وبنفهموا في الواجب
دره ياواد انت يا إسكندراني 
نبيله ودي جايه ليه بنت سونه خلاص بقيتوا صحاب
دره بضحك نكبروا دماغنا بقي يا بلبله احنا اتفقنا علي ايه وبعدين البت مالها بس
نبيله طيب يا اختي سكتنا
لمح حسن سماح داخله علي البيت عندهم سابها دخلت واول ما دخلت راح وراها 
حسن راحه فين يابت
بصت سماح وراها وضحكتك
سماح احيه لاحقت تنسي مش قولنالك اني جايه عندكم عشان نقعدوا مع البنات شويه
حسن فاكر بس بنستعبطوا

سماح طب يا اخويا روح استعبط في حته تانيه
سابته وطلعت درجه
حسن استني يابت مالك مستعجله كده ليه وحشتيني
سماح ايووووه عليك عايزه نقعدوا مع البنات شويه قبل ما امي تشغل السارينا بتاعتها انا ما صدقت رضيت
حسن يابت بنقولك وحشتيني
سماح وانت كمان ارتاحت سيبني نطلع بقي
حسن بقت كده خلاص بقيتوا صحاب ما صحيح من لقي صحابه نسي احبابه
سماح الله الله بتغيري يا جميله ولا ايه
حسن ما تظبطي يابت بدل ما نتجننوا عليكي ايه جميله دي
سماح بضحك انتي زعلتي يا قمر
حسن بضحك بلاش انا هنزعلوكي
سماح طب خلاص سيبني اطلع بقي ودين محمد امي قاعده وماسكه في ايدها الساعه ولا أجدعها حكم مباراه 
حسن طب خلاص صعبتي عليا اجري بسرعه بدا ما تديكي الكارت الاصفر
سماح لا وانت الصادق سونه علي أخرها ولو طلعت كارت هيبقي أحمر وهتكرشني مش بس من الماتش دي هتكرشني من البيت ونناموا في الشارع
حسن وتنامي في الشارع ليه ما اوضتي موجوده 
سماح أتلم يا حسن في ليلتك ويلا يا اخويا روح شوف شغلك وبلاش وقفة المراهقين اللي احنا واقفنها دي 
حسن ماشي يلا اطلعي بحبك يابت
سماح وانا بنحبك اكتر يا ابن الجمال
حسن امووووت انا 
ضحكت سماح وطلعت جري علي فوق لمحت في وشها دعاء حاطه ايدها في وسطها
سماح أبله دعاء
دعاء ايوه يا اختي ابله دعاء
سماح ااا عامله ايه 
دعاء كويسه
الحمد لله
سماح ااا انا كنت طالعه للبنات هما هنا ولا فوق
دعاء لسه طالعين 
سماح طيب هنطلعوا نشوفوهم عايزه مني حاجه
دعاء شكرا 
سماح طيب بالإذن انا بقي مشيت بسرعه من قدامها طلعت درجتين وبعدين وقفت وبصتلها صحيح انتي واقفه من امته
دعاء ابدا يا اختي من قبل وانا بنحبك يا لبن الجمال بشويه 
سماح سلام عليكم
طلعت سماح جري من قدامها وهي قلبها بيدق واللي خاڤت منه حصل دعاء كانت واقفه وسمعتهم 
دعاء ماشي يا حسن الكلب ودين محمد لا هنشتغلولك في الازرق انت وبنت سونه
دره جات من وراها وهي بتضحك
دره احيه انتي واقفه تكلمي روحك يا دعاء
دعاء بصوت واطي بصت علي نبيله من بعيد كانت واقفه في البلكونه لا يا اختي بنستحلفوا لحسن الكلب
دره ماله عمل ايه الولا ماهو شغال تحت
دعاء هتقوليلي ده من كتر شغله حاسه ان طلعلي أريال في نافوخي 
دره مش فاهمه
دعاء الولا شاف بت سونه جري وراها زي الاهبل وقال ايه بحبك وهي تقوله بحبك وقصصصصه
دره ماتسيبي الولا في حاله انتي مالك مش قلبه اللي اختار
دعاء اختار الندامه بقي يصوم يصوم وميلاقيش غير بت سونه
دره ومالها بت سونه هي البت لا سمح الله وحشه او فيها عيب 
دعاء كفايه ان امها تبقي سونه
دره طيب نتكلموا بجد بقي بعيدا عن اي كلام بيتقال علي سونه بيتهيألي الست في حالها وبعيدا عن طريقتها واللي بتعمله في روحها بردوا بيتهيألي انها غلبانه
دعاء ايه رضيتي عنها مش دي اللي كانت عايزه تطفشك هي ومها 
دره سيبك من الهبل اللي كانت عايزه تعمله واللي يمكن تكون لسه عايزه تعمله انا بنقول اللي يرضي ضميري وحتي ياستي لو سونه وحشه انتي ليكي البت ولو ابنك بيحبها وهي بتحبه بجد البت هتبقي قدام عينك
ومعاكي
دعاء احيه دي كانت مها استلمتني رايح جاي 
دره ايووووه بردوا هتقولي مها يا دعاء مش عايزين نرجعوا نكرروا اللي حصل معايا نخاف من كلام ده وزعل ده وتريقه ده بلاش نعملوا حساب لروحنا ولغيرنا علي حساب ولادنا ادام ابنك مبسوط ومرتاح خلاص وبصراحه بقي انا شايفه البت كويسه يعني زي القمر ومحترمه ومؤدبه وعندها عزة نفس عايزه ايه تاني
دعاء مش عارفه بس بصراحه مش مرتاحه للقصه كلها
دره مش مهم ترتاحي كفايه ابنك يكون مرتاح ابنك بقي راجل يا دعاء سيبيه يفرح ويحب ويعيش حياته خليكي انتي لحسن يا دعاء الامان والسند والضهر اوعي في يوم تديله ضهرك او تقفي في طريق سعادته
دعاء انا كل همي هو سعادته اصلا انا محلتيش غيره في الدنيا دي كلها يا دره انا مقدرتش نجيب غيره سيبك من نقاري انا وهو في بعض بس حسن كل حاجه ليا في الدنيا
دره عشان كده بنقولك اوعي تقفي في طريق سعادته حسن ابن حلال ومحترم واكيد عمره ما هيرضي انه يكون مبسوط وانتي مضايقه عشان كده بلاش تكسري فرحته وخليكي في ضهره انا كان ممكن نكون معاكي في كلامك لو البت وحشه او سمعتها لا قدر الله مش تمام بس البت محترمه وكويسه وبميت راجل يبقي ليه لأ خديه بالهداوه يا دعاء وحاولي ترضي من جواكي عشان تقدري تعيشي مبسوطه مع ابنك ومع اللي اختارها وتفرحوا مع بعض حاولي تكسبي البت وحبيها زي ما بتحبي حسن هتلاقيها تتمني رضاكي وهتسعد حسن وهتبقي ليكي العوض اللي بجد ويمكن كمان غلاوتها عندك تبقي اكتر من غلاوة حسن وتبقي بنتك قبل ما تكون مرات ابنك فهماني يا دعاء 
دعاء بتنهيده فهماكي يا دره بس عبدالله وامك وابوكي هيوافقوا
دره تاني يا دعاء وهما مالهم بس دي حياته هو واكيد بعد كل اللي حصل معايا ميتهيأليش انهم برجعوا يغلطوا نفس الغلطه عارفه ليه لان وقتها موقف حسن هيبقي غير موقفي انا في موقفي العيلتين خسروا بعض بطريقه تفكيرهم عشرين سنه بحالها لكن في موقف حسن يوم ما تقفوا قصاده هتخسروا هو واكيد محدش فيكم عايز كده
دعاء معاكي حق عموما اللي فيه الخير ربنا يقدمه ولو البت كويسه ربنا يقربها منه اكتر ولو وحشه ربنا يبعده عنها
دره اطمني البت كويسه واكيد ليها نصيب مع حسن عشان هو يستاهل كل خير 
دعاء يارب يا دره 
طلعت سماح علي فوق واول ما دانه فتحتلها دخلت وقفلت بسرعه الباب ووقفت وراه 
دانه بضحك في ايه صرعتيني
دارين وديما كانوا واقفين باصين عليها
دارين في ايه يا سماح مالك انتي في حرامي بيجري وراكي
ديما او يمكن كلب او قطه
سماح انيل انا اتقفشت يا بنات
بصوا البنات لبعض 
دانه اتقفشتي يعني ايه في وضع مش تمام ولا ايه
دارين اتلمي يا سافله
سماح ابله دعاء قفشتني انا وحسن
دانه وبتقولي عليا سافله اهو طلع عندي حق 
ديما كان بيعمل ايه معاكي 
سماح بيعمل ايه انتي كمان انتي دماغك راحت فين انتوا فاهمين غلط
دارين حاولي تفهميهم بسرعه خصوصا دانه دماغها علي طول راحه في حته مش حلوه
سماح كانت واقفه بره وسمعت حسن وهو بيقولي بحبك وانا بقوله بحبك
دارين طيب كويس انها جات علي كده مالك خاېفه كده ليه
سماح تاني هنرجعوا نقول انها مكانتش تعرف وانها لا بتطيقني ولا بتطيق امي
دانه طيب وهي مالها بيكم المهم انتوا بتحبوا بعض
سماح اكيد بس بردوا هنا غير امريكا انتوا هناك براحتكم انما هنا الاهالي لو محشروش مناخيرهم في حياة ولادهم يبقي في حاجه غلط
دارين زي ما عملوا كده مع مامي وكرم
سماح بالظبط للاسف علاقتهم ببعض بتنعكس علينا احنا وبياخدونا بذنبهم
دانه سيبك منهم ادام بتحبوا بعض ملكوش دعوه بحد واتمسكوا ببعض
سماح اكيد هنعملوا كده بس انا بصراحه لما عرفت انها سمعتنا اټرعبت
ديما طيب وانتي هتفضلي واقفه في ضهر الباب كده هي بتجري وراكي ولا ايه
سماح بضحك لا بس انا حسيت انها ممكن تجري ورايا وتجيبني من شعري
دارين لا حرام طنط دعاء طيبه والله يمكن هي متفجأه بس مظنش انها تدخل فيكم لدرجه انها تبوظ علاقتكم في النهايه هي عارفه يعني ايه حب هي وخالوا كانوا بيحبوا بعض
سماح يارب يا دارين يهديهم كلهم
دانه طيب ادخلي اقعدي روشتيني
دخلت سماح قعدت معاهم وقدمتلها دارين عصير وكيك وقعدوا يرغوا مع بعض واتفتحت سيره هيما واللي عملته
بصلها هيما وابتسم إبتسامه بسيطه ايوه 
دارين يعني مسلمتش عليا زي ما سلمت علي دانه وديما ولا اتكلمت معايا كلمه واحده وكمان نزلت وسبتنا ودي اول مره نيجي بيتكم ولا بتهزر زي ما كنت بتعمل واضح بقي انك زعلان مني بجد 
هيما انا زعلان منك لا خالص ربنا ما يجيب زعل
دارين انت متأكد يعني انت كده طبيعي وطريقتك عاديه انت حتي مش بتضحك زي ما اتعودت اشوفك
هيما خالص انا زي الفل 
دارين بصتله شويه وسكتت فصل هيما باصللها وهو بيشرب سيجارته من غير ما يتكلم ولا حتي يبتسم
اتوترت دارين من نظرته
دارين ااا طيب اوك بس انا جيت هنا مخصوص مش عشان حسن مرضيش يجي عشان قولت انها فرصه لما حسيت اني ضايقتك حبيت اجي بنفسي واعتذرلك انا عارفه اني زودتها سويه بس مكنتش اقصد كنت مضايقه شويه وانت طلعت قدامي تهزر في وقت مش حلو فا ڠصب عني اتعصبت فا انا بعتذر متزعلش 
هيما بهدوء قولتلك اني مزعلتش وربنا ما يجيب زعل وانتي كان معاكي حق انا فعلا زودتها و اديت نفسي الحق اني اخد عليكي اوي فا انا اللي بعتذر
دارين انت مصمم بقي تفضل زعلان عشان اصالح فيك
هيما بإبتسامه ولا مصمم ولا حاجه قولتلك حصل خير معلش انا مضطر اطلع عشان انام تصبحوا علي خير يا بنات
دانه ديما وانت من اهله باي يا هيما
هيما بإبتسامه جميله باي يلا با صايع منك ليه سيبوهم يروحوا بص لدارين بصه سريعه وبعدين طلع وسابها
دارين يلا يا بنات اخلصوا 
محمد يلا باي يابنات
سلموا البنات عليهم وجريوا علي المدخل فضلوا واقفين لحد ما دخلوا وبعدين طلعوا هما كمان 
دانه دارين صالحتي هيما
دارين بني ادم قليل الذوق وانا غلطانه اني عبرته
ديما قالك ايه
دارين طلعت ومردتش عليهم 
دخلوا علي الشقه بصت دره وراها وهي بتلعب
دره كل ده بتعملوا ايه
دانه طنط نوجا مرضيتش تخلينا نمشي غير لما نشرب عصير
نبيله مش قولنالك 
ديما بتقولك شكرا يا بلبله وعمو بيسلم علي حضرتك يا جدو
زكريا الله يسلمه
كسبت دره زكريا في الطاوله
دره كسبتتت
عبدالله اه يلا وريني فرحتك بقي يا معلم 
زكريا بس يا ابن الكلب 
حسن شوف جدي يا عيني زعل
دره طول عمري يا ابني بنكسبه 
زكريا بنسيبلك الدور عشان منزعلكيش
دره متبقاش تخاف علي زعلي وفرجني هتكسب ازاي
زكريا بقي كده ماشي يا ست دره 
ابتسم زكريا بحب وكملوا قعدتهم مع بعض
دره من دارين بهمس 
دره عملتوا ايه هناك مها قالتلكم ايه وكرم قابلكم ازاي
دارين ولا حاجه كانوا لطاف جدا والله والكل رحب بينا وعلي فكره كرم كان غريب اوي
دره عمل ايه
دارين بالعكس معملش خالص كان لطيف اوي اتعرف علينا وعلي اسامينا وسألنا بندرس ايه سأل دانه وديما انتوا توأم فضل يتكلم معايا عن الدراسه حسيته غريب يعني مش ده الشخص اللي شوفناه اكتر من مره هنا وهو بيزعق وفي الشارع وهو پيتخانق حتي اسلوبه متغير أسلوب واحد متحضر وهادي وكمان مثقف بجد يعني بإختصار تحسي انه 
ابتسمت دره بهدوء وبعدين بصت قدامها وسرحت 
وللحديث بقيه 
أبن ليل
صاحبة البطل الواحد
أميره اسامه
البارت الواحد و العشرين 
في صباح يوم جديد كان يوم ملئ بالاحداث دره نزلت علي شغلها والبنات علي جامعتهم 
اما في الشارع الوضع كان مختلف الشغل كان في ذروته عبدالله وحسن مولعين الدنيا