حكايه ساره ومعتز

بذهول وانا بحرك دماغي ب اعتراض ومش قادرة انطق
لسه كنت هتكلم قالى 
بالله عليكي انا معنديش وقت اصلحلك موبايلك انا بعتذر لك عن اللى حصل مني وادي موبايل غير اللى اتكسر 
بصيتله ب استغراب وقولتله 
على فكرة انا مبشحتش منك انا بس ظروفي صعبه وممعاييش فلوس اصلحه انت بتتعامل معايا كدا ليه خد موبايلك انا مش شحاته 
ورميتهوله ف ايده وستبه وخرجت برا المحل علشان اشوف ميكروباص او اي حاجه توصلني البيت 
لقيته
جة ورايا قالى انا اسف 
والله سامحيني نقصدش اني اجرحك بس انتي مش فاهمه انا عندي ايه مامتي محجوزة ف المستشفى واختى بتولد ف مستشفى تانيه وجوزها مسافر ومفيش معاهاحد سامحيني بجد مقصدش 
قولتله وانا مش هقبل منك موبايل غالى بالشكل دا
لف وشه بعصپيه وقالى يعني مش هتاخدي الموبايل قولتله لا مش هاخده 
راح حطه جنبي ع الأرض وقالى انا اسفه 
انا لازم امشي وبعتذر منك وسابلى كارت ع الموبايل وقالى لو الموبايل مش عاجبك كلميني اجبلك موبايل زي بتاعك بس انا لازم اروح ل اختى المستشفى وسابني ومشي 
دماغي فضلت تلڤ وتدور ومش مصدقه نفسي طب انا هقول ايه ل اهلى هقول لكل اللى يعرفوني انا جبت فلوس الموبايل دي منين
خدت الموبايل وفضلت مصډومه من اللى حصل 
وصلت البيت ودخلت اوضتي فضلت متنحه طول اليوم للموبايل لحد م الساعه جت ٢ بعد نص الليل
شغلت الموبايل وحطيت فيه خطي
وكنت متردده جدا اتصل بيه اشكرة ولا اقوله يجيبلى موبايل نفس نوع موبايلى 
جبت الكارت وكتبت الرقم واتصلت اول مرة مردش عليا جمدت قلبي رنيت التانيه مردش برضوا 
اتعصپټ وسبت الموبايل ونمت 
بعد ساعه لقيت الموبايل بيرن رقمه 
الوو 
ايوا 
الرقم دا رن عليا انتي مين 
انا سارة 
سارة مين
احم اسفه سارة اللى كسرتلها الموبايل 
ههههه ساارة اللمضه
نعم حضرتك 
اسف بس انتي طلعتي عنيا النهارده
انا معملتش حاجه ع فكرا 
طيب ياستي حقك لاني سببتلك مشكله واتمنى اني اكون حليتها 
حليتها ايه بس دا اهلى لو شافو الموبايل دا ھيقتلوني
ليه ليه دا حتة موبايل 
بالنسبة لحضرتك لاكن احنا ناس ع قدنا وموبايل زي دا مش بنشوفه مع اي حد 
طيب انا اسف مرة تانيه لو اتسببتلك ف مشكله 
لا ولا يهمك هي المشكله لسه محصلتش لستنى تحصل وابقى اتأسف 
ههههه خلاص اول م تحصل اتصلى بيا هتأسفلك 
ربنا يستر بقى 
هيسترها ان شاء الله انا نسيت اعرفك بنفسي انا معتز وعندي ٣٥ سنه وانا اتشرقت بيكي واتمنى تسامحيني على قلة زوقى النهاردا معاكي 
لا مكنتش قليل الزوق اوي بس انا عذړاك ربنا معاك 
انتي قصدك اني كنت قليل الزوق فعلا 
لا مش اوي قولتلك 
ضحك وكان صوت ضحكته جميل اوى واسلوبه وصوته وشكله كان خاطف قلبي بصراحه بس طبعا مينفعش اظهرله اعجابي دا 
بدأ كل يوم يتصل بيا ومكنتش فاهمه
حجات ف الموبايل بدأ يشرحلى ويساعدني وبدأنا نتعرف على بعض